PHRWNGNAINI 9:7 - Kok Borok (Re-edited) Bible (BSI)

⁷ Tháng di, nwng tongthogwi nini chámung cháui di tei bwkha srangwi nini angur bwtwi nungwi bwkha srang di; tamni hwn ba Kaitor nwng khlaimarokno chajak kha.

PHRWNGNAINI 9:7 Iomraidhean Croise

YAPHANG 12:19

Nwng tamo ‘Omo ani bukhuk se’ hwnwi sa? Aboni bagwi se ang ani hik snamna bagwi ang bono tlango, hakhe iko nini hikno tlangwi tháng si di.”

1 HABUGRA 8:66

Salcharni salo Solomon bororokno nogo rwui rohor bai kha. Bórok bebakno khá tongthokma bai bono lobwi tháng lai kha, tamni hwn ba Subraiyung bini seleng Daud tei bini Israilni borokno a bebak hamarirok rwma bai se tongthokma bai lobwi tháng lai-o.

PHRWNGNAINI 10:19

Mwnwi-kelek khe tongthokna bagwi chámung ter khlaijago; angur bwtwi khe langma-o tongthok rw-o tei rang khe aswkni nangmano man rw-o.

PHRWNGNAINI 11:8

Khoroksa swk bisi kolokma kwthang tong khe bo a jora tongthogwi tong thung; hai phano mwnakma salni kókroknobo bo muitu tong thung, tamni hwn ba abo kwbángma wng kuknai. Bebak wngna tongmarok bebakno chúk ya.

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 7:14

Hamchama-chasama jora-o tongthok di, tamo khe tekto nang phuru o kóknobo uansuk di, abo khe; borok bini thinangni kókno mungsa phano saui ta man thung hwnwi Kaitor tongthok rwma hai tektobo rw kha.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

LEKHAMUNG 6:20

Ulo ochai tisaui narwknai Subraiyungni bwskango phehemmani abo bai biya yapharmarok kwthar, omorok ochaini banta omoni yagulo Najarit arak nungwi mannai.

MARK 7:29

Hakhe Jisu bono hai hwnwi sa kha, “Omo tẃi kók sama bai nwng nogo tháng di, nini nwsajwkno mwtai hamya yakarwi klang kha.”

LUK SWIMANI KOTHOMA KAHAM 11:41

Tamo khe mairang lota-o tongmano kwrwirokno rw di, hakhe se norokni bebak’-no sap-sutra wngnai.

JOHON 4:50

Jisu bono hai hwnwi sa kha, “Tháng di, nwsla hamnai!” A borok Jisuni kókno poito khlaiwi tháng kha.

SAMUNG 10:35

Kaitorno kiriui samung sói khlainaino bo yachago, a borok jesa dophani phano wng thung.

UÁINWINI SA PHIMA 12:12

Tei norok norokni sajwk sajlarokno tẃiwi seleng tei selengjwkrokno tẃiwi tei norokni kamiyungrogo tong bainai Lebirokno tẃiwi Subraiyung norokni Kaitorni bwskango tongthok lai di. Lebirokno khe ha banta rwjak li ya ba.

UÁINWINI SA PHIMA 12:7

Tei norokni Subraiyung norokni Kaitorni bwskango chá di, norok tei norokni núkhungni bororok, abo bebak Subraiyung norokni Kaitor hamari rwmani tei norokni samung khlai manmani hwnwi tongthok lai di.

RUTNI BIJAP 3:7

Boas cháui nungwi pái khe tei bini bwkhabo srangjak. Bo barli nak thani thángwi thuna bagwi rokoui kha. Rut tepsa khe tháng kha tei rí khugwi yakung yaphango rokoui kha.