PHRWNGNAINI 9:6 - Kok Borok (Re-edited) Bible (BSI)

⁶ Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

PHRWNGNAINI 9:6 Iomraidhean Croise

LAM RWMA 1:8

Tabuk Josepno sini ya borok khoroksa ha Ijipni bugra chá kha.

PHRWNGMUNG 10:28

Borok kahamrokni khatungma-o khe tongthokmung tongo, tamo khe borok hamyarokni mungsa khatungmung kwrwi.

PHRWNGNAINI 2:10

Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 9:1

Omorok bebakno ang bwkha-o chu-ui ton kha, bebak amjogwi nai kha, borok sutrangrok tei sinai borokrokni samungrok bebak Kaitorni yago chopjak se; hamjakmung de naislermung bórokno naisingwi tong, abono bórok saui man ya. Bórokni bagwi le bebakno chúk ya máng se,

JISAIA 38:11

Ang sa kha, ang Subraiyungno kwthangrokni o ha-o tei nuk glak; o ha saka-o tongnai bororokno ang tei naisik glak kha.

MATHAI 2:20

hakhe ahai hwnwi sa kha, “Bacha di, chwrai bai bumano tẃi ha Israilo kiphilwi tháng di; o chwraino butharna nainairok thwi bai kha.”