PHRWNGNAINI 9:3 - Kok Borok (Re-edited) Bible (BSI)

³ O ha saka-o mungsa hamya wngma khe, bebakno baksa kheno manjago, bwkhabo hamya bai máng kupulungno tei se kwthang tong phuru bórokni bwkha-o bwkha ma nangma bai kupulung khe ma tongo tei kwthang tong langsak’-no bwkha kobor chaui ma tongo, aboni ulo khe bórok thwi-o.

PHRWNGNAINI 9:3 Iomraidhean Croise

YAPHANG 6:5

Subraiyung, ha saka-o borokrokni hamya-sitrarok bángmani nuk kha, bebak bórokni bwkha-o uansukmarok hamya máng se kupulung wngwi tongo.

YAPHANG 8:21

Hakhe, Subraiyung aboni báhaino belai’-no motomjak kha, hakhe Subraiyung bini khá bisingo hai hwnwi sa kha, “Ang o hano tei swraimung rw li ya, tamni hwn ba borokrok achai phuruni simi’-no cha ya wngwi phai kha. Aboni bagwi omo hai khe hayungni langma gwnangrokno tei sokomor li ya.

JOBNI BIJAP 15:16

hakhe borok twi nung tẃi se hamyano nungo hwn khe, aboni slái hamya borok le bwswk se selengmasingcha tei cha ya wng khna!

JOBNI BIJAP 21:26

Bórok thwiwi baksa kheno ha-o phobjago tei a kenjuano kenjua bai se chájago.

JOBNI BIJAP 9:22

Abo bebakno baksa; aboni bagwi ang sa-o, bo borok kahamnobo sokomoro tei borok hamyanobo sokomoro.

LOBMUNG 51:5

Ao, ang le cha ya khe se achai-o, amani ogo chujak phuruno ang sumsok gwnang.

LOBMUNG 64:7

Tamo khe Kaitor bórokno chakhla bai koknai; achomsa bórok nangwi klai bainai.

PHRWNGMUNG 14:32

Borok hamya sakni samung hamyani bagwi khiklaijago, tamo khe borok kahamrok khe bórok sama tẃi khe tongmani bagwi katimung mano.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 12:7

hadlwi tei uáisa hadlwi kha phina swkang tei Kaitor rwmani phola bini thani kiphilwi thángna swkang.

PHRWNGNAINI 2:14

Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 7:2

Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 7:25

Ang siyanno tẃiwi uansuktang chapjak tongmarokno naitugwi sina bagwi tei borok hamya wngma khe butua wngmani tei butua wngma khe uansukna rwng ya wngmani o kókno sinani bagwi sakthar kha.

PHRWNGNAINI 8:11

Tamni hwn ba samung hamya khlaijakmani manthaino doui majra berjak ya khe, borokni bwkha le samung hamya khlaina bagwi katswi chapjak.

PHRWNGNAINI 9:11

O ha saka-o ang tei mungsa nuk kha, abo khe: doui khachigwi mannairok máng kwplai wng ya, phan gwnangrok mángno choba-obo kwplai wng ya, siyan kwrwngrokbo ok kupulung khe mángno ma cháui tongo ahai ya; simung sinairok kheno gwnang máng wngo ahaibo ya; rwngnairok kheno sep man máng tongo ahaibo ya, tamni hwn ba bórok jotono jora tei sep bai yak khajak.

PHRWNGNAINI 9:2

tamni hwn ba jotoni manthai le baksa se; bo borok kaham hwn thung hamya hwn thung, kwthar hwn thung eba kwthar ya hwn thung, yapharnairok wng thung yaphar yarok phano wng thung. Borok hamyarok man tẃi’-no borok kahamrokbo mannai; swmai tangnairokbo tei swmai tangna kirinarokbo abono mannai.

PHRWNGNAINI 9:4

Tamo khe kwthangrokni khe khatungma tongo, tamni hwn ba singho kwthwini slái le sẃi kwthang se ham kugo.

JIRIMIA 16:12

tei norok norokni chuchusongni slái’-bo teibo sitra khe tong kuk kha, norok ani kók khna yaui sak sakni bwkhani hamya muchung tẃi khe him lai kha.

JIRIMIA 17:10

Ang Subraiyung, uansukmano tei bwkhano chánai-o, bebak bororokno bórokni manthaini rw-o, tei samung khlaima tẃi’-no manthai rw-o.”

JIRIMIA 17:9

“Bwkha wng kha bebakni slái bandinai; abo hamya kuk, bono sabo saui mannai?

LUK SWIMANI KOTHOMA KAHAM 15:17

Ulo khe bo khá sichaui hai hwnwi sa kha, ‘Aphani aswk selengrok chá se chá bai ya nu se nung bai ya, ang oro ma chá ya ma nung ya thwina naiwi ma tongo.

LUK SWIMANI KOTHOMA KAHAM 6:11

Yang khe bórok belai jolijagwi Jisuno tamo khlainai hwnwi sa lai kha.

SAMUNG 12:23

Achomsa Subraini suari Herodno kosonwi khiklai kha, tamni hwn ba bo Kaitorno sak nang ya. Bo yóng klaiwi thwi kha.

SAMUNG 26:11

Joto thumnogo ang bórokno uáisa uáinwi ya kwbángma’-no sátok kha, hakhe bórok Jisuno poito khlaimano yakar rwna nai kha. Bórokno ang aswk thamchi wngo bórokno sátokna bagwi buini hani taunrogo suda ang tháng kha.”

SAMUNG 26:24

Pol yókna bagwi hai hwnwi sa phuru Phesto bono hai hwnwi Chirikhók kha, “Pol, nwng ba kobor se bla! Nwng aswk elem rwngmani abo se nono kobor snam si bla!”

TITNO POL SWI HORMANI 3:3

Tamni hwn ba chwngbo salsa si ya, kók khna ya, lama korójak wngwi tongmani. Chwng podrepot sakni muchungmani yago klaiwi tongmani, tongthok cháthokni yago klaiwi tongmani. Chwng naisler laiwi tongmani, músú laiwi tongmani; buibo chwngno naislero, chwngbo buino naislero.

2 PITOR 2:16

hakhe bo bini sumsokni bagwi hwnjak kha. Kók man ya korai borok hai khe kók saui a khá kobor diyarino thak rw kha.