PHRWNGNAINI 9:12 - Kok Borok (Re-edited) Bible (BSI)

¹² Tamni hwn ba khoroksa phano buphuru komormung patino abo si ya. Twini á chei-o kwcha tẃi tei toksarok khẃi-o kwcha tẃi khe bororokni thanibo achomsa khe dob phaiwi klaiwi phai-o.

PHRWNGNAINI 9:12 Iomraidhean Croise

LOBMUNG 11:6

Bo borok hamyarokni saka-o hokhi bai gwndwkni uatwi ua rwnai; khampro rwnai, nokbar se bini nungjaknai wngnai.

PHRWNGMUNG 24:22

tamni hwn ba bórokni saka-o Subraiyungni aroni phano eba habugrani aroni bubotẃi sokomormung phainai abo sabo saui mannai?

PHRWNGMUNG 29:6

Borok hamyarok sak sakni sumsokni bagwi khẃi-o kwcha-o, tamo khe borok kahamrok khe rwchabo tei khápang srangjago.

PHRWNGMUNG 6:15

abo tẃirokni thani achomsa digi-sigi phaiwi klai phainai; mokol muphlik kaisa bai’-no deraui thángnai tei ham rw phirwi man phi glak.

PHRWNGNAINI 3:19

Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 8:11

Tamni hwn ba samung hamya khlaijakmani manthaino doui majra berjak ya khe, borokni bwkha le samung hamya khlaina bagwi katswi chapjak.

PHRWNGNAINI 8:8

Khoroksa phano nokbarno romwi narwgwi tonwi man ya wngma hai thwinani salnobo kasu-ui narwgwi man ya; chobani jora-o phiyógwi rohorjak ya wngma hai samung hamyabo a samung hamya tangnairokno phiyógwi man glak.

PHRWNGNAINI 9:13

Ang o ha saka-o simungno tẃiwi tei mungsa nuk kha, abono nugwi ani bwkha-o nang kha.

JISAIA 24:18

Kirimani khorang bai khárnairok bórok hakhoro klainai; phiya hakhorni yók khe bo khẃi-o klaiwi romjaknai. Nokhani uatwi belai khe uanaui tei abo bai hani yaphang jangrijaknai.

JISAIA 30:13

aboni bagwi o sumsok norokni bagwi deual kuchuk kuakma tẃi wngnai, deual kekhokma hai wngnai, omo achomsa kuak srapsani bisingo’-no wngnai;

ESEKIEL 32:3

Subraiyung Kaitor hai hwnwi sa-o, ang borok kwbángma rwi rohorwi chei swng rwui nono romnai tei twini hakungo tisanai.

HOSEA 7:12

Bórok tháng phuru-o, ang bórokni sago chei bunai; ang bórokno nokhani tokrok hai khe ha-o ongkhor rwui tubunai; bórokni thenta samungrokni bagwi ang bórokno swpraknai.

HOSEA 9:8

Diyari khe Ephraimno Kaitorni wngwi mwrwgo, tamo khe bórokni lama-o mui romnairokni khẃi thonjak, Kaitorni nogo suda se bororok diyarirokni kena ari gwja.

LUK SWIMANI KOTHOMA KAHAM 12:20

Yang le Kaitor bono hai hwnwi sa kha, ‘Bepotarsa! Tini horo’-no nwng ma thwi anw. Aswk tisaui narwkma manwirok aphuru khe sabo mannai?’ ”

LUK SWIMANI KOTHOMA KAHAM 12:39

Phiya o kókno muitu narwk di, sikhok bu phuru hap phaino abo nokphang saui man khe bo sichaui tongwi sikhokno hap rw glak.

2 KORINTH 6:2

Kaitor sama khe ahai, “Ang khairoknani jora-o nini kók khna kha, mwthangnani salo ang nono chuba kha.” Khna di, tabuk’-no Kaitor bai khairokjaknani jora, tinini sal’-no mwthangjaknani sal!

1 THESALONIKI 5:3

Bororok, “Bebakno kwchang kwchangno bla, kahamno bla,” hwnwi tong phuruno bórok achomsa sokomorjaknai. Bórok yók bai glak, omo sak kengna phuru bwrwirok ok sajakma hai se wngnai.

2 TIMOTHI 2:26

hakhe bórok khá siui bórokno romwi kók khna rwui tonnai Soitanni khẃini yók anw.

1 PITOR 2:12

Norok poito kwrwirokni bisingo kaham khe tong di, hakhe bórok norokno samung hamya khlainai hwnwi sa khe bórok’-no norokni samung kahamrokno ma gosinai; omo tẃi khe Kaitor phainani salo bono ma lobnai.

2 PITOR 2:12

Romwi butharjakna hwnwi achainai bolongni uak-tok hai o bororok si yaui ahai’-no tongo; bórok si yaui hamya sa-o. Bórok bolongni uak-tokrok hai khe’-no pái rwjak bainai;