PHRWNGNAINI 9:11 - Kok Borok (Re-edited) Bible (BSI)

¹¹ O ha saka-o ang tei mungsa nuk kha, abo khe: doui khachigwi mannairok máng kwplai wng ya, phan gwnangrok mángno choba-obo kwplai wng ya, siyan kwrwngrokbo ok kupulung khe mángno ma cháui tongo ahai ya; simung sinairok kheno gwnang máng wngo ahaibo ya; rwngnairok kheno sep man máng tongo ahaibo ya, tamni hwn ba bórok jotono jora tei sep bai yak khajak.

PHRWNGNAINI 9:11 Iomraidhean Croise

2 SAMUEL 17:14

Tei Absalom bai bebak Israilrok sa kha. Ahithophelni kókbitini slái Arkitsa Husai samani kókbiti se ham kugo! Tamni hwn ba, Subraiyung Ahithophelni kókbiti kaham samano nang ya khlaiwi tei Absalomni saka-o hamya tubuna chong kha.

2 SAMUEL 17:23

Ahithophel bo samani kók chajak li ya hwn khe bini koraichirka saka-o kasaui kamiyungo kiphilwi tháng kha, bini núkhungo bebak jai khlaiwi ulo khe bo kotok soroui thwi kha, hakhe buphani simalwngo’-no phobjak kha.

2 BOSONG 20:15

Bo hai hwnwi sa kha, “Habugra Jihosapat tei Jerusalemo tong bainai bebak Judani bororok ani kókno khna di, Subraiyung norokno hai hwnwi sa-o, ‘Ta kiri di tei aswk borok kwbángma hwnwi bwkha ta bái di, choba norokni ya, abo Kaitorni se.

JOBNI BIJAP 34:29

Bo siring siring tong phuru, sabo hamya saui mannai? Dopha phano wng thung eba sak saichung phano wng thung, bo nukjak ya khe tong khe sabo bono nuknai?

LOBMUNG 76:5

Kirima kwrwi kuk sengkrakrok swpragwi sekprojak bai kha; bórok muktrwi tháng bai kha; sengkrak bodolni khoroksa phano yak tisa rak li ya.

PHRWNGMUNG 1:5

tei sinai borok abono khnaui teibo kubuk wng thung hwnwi, siniui chongnani rwngmani

PHRWNGNAINI 2:12

Hakhe ang siyan, butua tei kobor chamano tẃiwi uansuk kha; swkangni habugrarok samung khlai tẃi khe ulni habugrarokbo khlainai hwnwi chwng saui da man ba?

PHRWNGNAINI 3:14

Ang saui mano Kaitor khlaimani abo mol brúmno tong phlainai; aro tei mungsa swk dauibo man ya kháiklaiwibo man ya; jotono bono bórom khlaiwi kiri thung hwnwi se Kaitor omono khlai-o.

PHRWNGNAINI 3:17

Kaitor borok sutrang tei borok hamya kwnwino’-no buj thumnai, tamni hwn ba bo bebakni bagwi tei bebak samungrokni bagwi abo hai khlaina jora chongjak, hwnwi ang bwkha-o ma sa-o.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

PHRWNGNAINI 7:13

Kaitorni samungno uansugwi nai di; bo kokoi khlaimano sabo sepengwi mannai?

PHRWNGNAINI 9:2

tamni hwn ba jotoni manthai le baksa se; bo borok kaham hwn thung hamya hwn thung, kwthar hwn thung eba kwthar ya hwn thung, yapharnairok wng thung yaphar yarok phano wng thung. Borok hamyarok man tẃi’-no borok kahamrokbo mannai; swmai tangnairokbo tei swmai tangna kirinarokbo abono mannai.

PHRWNGNAINI 9:3

O ha saka-o mungsa hamya wngma khe, bebakno baksa kheno manjago, bwkhabo hamya bai máng kupulungno tei se kwthang tong phuru bórokni bwkha-o bwkha ma nangma bai kupulung khe ma tongo tei kwthang tong langsak’-no bwkha kobor chaui ma tongo, aboni ulo khe bórok thwi-o.

JIRIMIA 46:6

Kodorok khárwi man li ya, choba nang lainairokbo yók li ya gwja; Salgrabai Uphratis twima rukungo bórok thutaiwi klai bai kha.

JIRIMIA 48:14

“Bahai khe norok, ‘Chwng phan gwnang tei chobani bagwi phan gwnang bororok’ hwnwi saui man?

JIRIMIA 9:23

Subraiyung hai hwnwi sa-o; “Sinai bororok bórokni simano tẃiwi kung ta chuk thung, phan gwnang borok phan ta phunuk thung, rang gwnang bini rangni bagwi kung ta chuk thung,

DANIEL 4:35

Joto ha-o tong bainai bororok bini thani mungsa buya. Bo bini muchung tẃi khe chuknohani suarirok tei ha-o tong bainai bororokno khlai-o. Khoroksa phano bini muchungmano kasu-ui man ya tei tamni abo hai khlai lang hwnwibo sẃngwi man ya.

SAKARIA 4:6

Hakhe bo ano hai hwnwi sa kha, “Omo khe Serubabelno Subraiyung kók rwmani se: Nwng phan bai buya, seng bai buya tamo khe ani Phola bai se, hwnwi kwplaisa Subraiyung sa-o.

MALAKI 3:18

Aphuru khe nwng tei uáisa borok kaham bai borok hamya phér laimano, Kaitorno monnai tei mon yani phér laimano nuknai.

EPIS 1:11

Bebak samung’-no Kaitor chapma tẃi tei Kaitor chongma tẃi’-no khlaijago; Kaitor bini khá chapma bai Khristo bai thansa wngma bising tẃi chwngno bini borok wngna hwnwi chong kha, abo yaphangni simi bo khá chongwi phaima tẃi’-no khlaijak kha.

UÁINWINI SA PHIMA 8:17

Norok sak sak hai hwnwi saui mano, ‘Ani phan bai tei ani baithangni yak bai se ani bagwi omorokno khlai-o tei aji-o.’

UÁINWINI SA PHIMA 8:18

Phiya ba Subraiyung norokni Kaitorno muitu khlai di, tamni hwn ba bo se norokno gwnang wngnani phan rw-o. Bo nini chuchusong bai swmai tangmano tabukbo narwgwi tongmani bagwi se bo omorokno khlaiwi tongo.

1 SAMUEL 17:50

Hakhe Daud holongdul tei badukhung bai’-no Philistiasano mechen kha; bo abo bai khe kogwi bono buthar kha; bini thani sengbo kwrwi.

1 SAMUEL 6:9

Hakhe abono naiwi tong di; tumung abo Bet Semes kami kotor bwkhak tháng khe chini saka-o kirimasingcha hamyano Subraiyung se tubu-o, phiya abo a lama tẃi tháng ya khe abo bo khlaima ya, tamo khe haino achomsa wngmani se hwnwi chwng romwi mannai.”