PHRWNGNAINI 9:1 - Kok Borok (Re-edited) Bible (BSI)

¹ Omorok bebakno ang bwkha-o chu-ui ton kha, bebak amjogwi nai kha, borok sutrangrok tei sinai borokrokni samungrok bebak Kaitorni yago chopjak se; hamjakmung de naislermung bórokno naisingwi tong, abono bórok saui man ya. Bórokni bagwi le bebakno chúk ya máng se,

PHRWNGNAINI 9:1 Iomraidhean Croise

JOBNI BIJAP 12:10

Hama gwnangrokni langma tei bororokni rangma le bini yago se.

JOBNI BIJAP 27:12

Norok jotono mokol baithangno omono nuk kha; hakhe norok tamo bebak chúk ya wng kha?

JOBNI BIJAP 5:8

“Ang khe Kaitorno naituk kha mun, tei ani jwngjalrokno Kaitorni thani yaphar kha mun.

LOBMUNG 10:14

Tamo khe nwng nugo! Ao, yak rwnani bagwi digi-sigi klaijak tei bwkha hilikjakrokno naikhlai kha; khairok susukrok sakno nini thani bwkha bera-o; nwng se ma-pha kwrwirokno chuba-o.

LOBMUNG 119:109

Ani langma lái tẃi-lái tẃi wngjak khe máng ma tong kha, hai phano ang nini kerongno pok ya.

LOBMUNG 31:5

Nini yago ani pholano yapharo; O Subraiyung kubuini Kaitor, nwng ano phiyók kha.

LOBMUNG 73:3

Borok hamyarok hamchaui tongma nuk khe ang kung chuknairokno nugwi músú kha.

PHRWNGMUNG 16:3

Nini samungno Subraiyungni yago yaphar di, hakhe nini chapmarok samung chanai.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 10:14

hai phano butua khe khúk thak ya kók sa máng tongo. Tamo wngnai wng ya khoroksa phano saui mannai kwrwi, thinango tamo wngo khoroksa swkno sabo saui rwui mannai?

PHRWNGNAINI 7:15

Ang ani o mungsa chúk ya thangsungo bebak nuk kha; khoroksa borok kaham bini kahamno tẃiwi thwi-o, phiya tei khoroksa samung hamya tangnai borok hamya khe umor kolok khe thangwi tongo.

PHRWNGNAINI 7:25

Ang siyanno tẃiwi uansuktang chapjak tongmarokno naitugwi sina bagwi tei borok hamya wngma khe butua wngmani tei butua wngma khe uansukna rwng ya wngmani o kókno sinani bagwi sakthar kha.

PHRWNGNAINI 8:14

O ha saka-o mungsa chúk ya wngmani wng kha, borok hamyarok khe borok kahamrokno khlaijak tẃi khe khlaijago tei borok hamyarok kheba borok kahamrok khlaijakna manna tongmano mano. Omorokbo chúk ya.

PHRWNGNAINI 8:16

Ang siyanno sina bagwi nai khe tei o ha saka-o wngmarokno naiwi nai khe nuk kha, borok khoroksa tumung hor-sal mokol mukum yaui tong phano Kaitor tamo khlaiwi tong kha abono romwi man súk ya,

PHRWNGNAINI 8:7

Au, tamo wngna naiwi tong kha abono bórok si ya, abo bahai khe wngnai abono bórokno sabo sanai?

PHRWNGNAINI 9:6

Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

JISAIA 26:12

O Subraiyung nwng chwngno tong kwchang rwnai, chini tangma samungrokno nwng yachak kha.

JIRIMIA 43:6

chwlarok, bwrwirok, chwrairok tei habugrani bwsajwksong tei mwrwknairokni bokhorok Nebujaradan, Saphanni busuk, Ahikamni bwsajla Gedaliani thani klangwi thángmani bororokno tlangwi tháng kha; phiya Jirimia bai Neriani bwsajla Barukno bo tlang kha.

UÁINWINI SA PHIMA 33:3

Au, bo bini bororokno hamjago, bini kwthar bororok bebak bini yapha-o; bórok nini yakung yaphango achuk kha, bebakno nini kóktháirok yachak kha,

2 TIMOTHI 1:12

aboni bagwino ang omo hai sátokjago. Hai phano ang kisa phano khá bái ya, tamni hwn ba ang poito khlaimani a Kaitorno ang saui mano; hakhe ang saui man súgo a Sal phai ya sak bo ani yago yapharwi tonmano narwgwi tonwi mano.

1 PITOR 1:5

A khatiui tonmani abo norokni bagwi se, norok wng kha poito khlaima bising tẃi Kaitorni phan bai mwthangjakna bagwi kaham khe tonjaknairok; norok a mwthangjakmani abo mol pái phuru phunukjakna bagwi tiyar khe tonjak.

1 SAMUEL 2:9

Bo bini kók khnanairokno mwrwgo; tamo khe borok hamya mwnakma-o ma kwmanai; borok sakni phan bai kwplai wngwi man glak.