PHRWNGNAINI 8:8 - Kok Borok (Re-edited) Bible (BSI)

⁸ Khoroksa phano nokbarno romwi narwgwi tonwi man ya wngma hai thwinani salnobo kasu-ui narwgwi man ya; chobani jora-o phiyógwi rohorjak ya wngma hai samung hamyabo a samung hamya tangnairokno phiyógwi man glak.

PHRWNGNAINI 8:8 Iomraidhean Croise

2 SAMUEL 14:14

Chwng bebak’-no ma thwinai, chwng ha-o klainai twi hai se, abono khoroksa phano tei thumwi man phiya. Kaitor suda kwthwino mwthang ya tamo khe habugra le buini ha-o tongmano kiphilwi tubuna khe tubu-ui mano.

2 HABUGRA 7:15

Hakhe bórok hakchalma Jordan jora thángwi nai kha, bórok aro lama kotorrogo Siriyarokni rírok, da-sengrok khiklaiwi klangjak nuk kha hakhe bórok kiphilwi habugrano sa phai kha.

JOBNI BIJAP 14:5

Bini langmani salrok swkangno chongjak, tei bo nokha tal bwswk jora thangnaibo chongjak, tei nwng chongwi tonma hai kheno abórok wngnai,

JOBNI BIJAP 34:14

Tumung bo sakni pholano kiphilwi na khe, bini hamano thumwi na phi khe,

LOBMUNG 89:48

Swba se thwina nang ya khe tong phlai mannai? Sabo ba hakhorni phanni yógwi mannai? Sela

LOBMUNG 9:17

Borok hamyarok kwthwirokni ha-o ma thángnai, Kaitorno poknai dopharokbo ma thángnai.

PHRWNGMUNG 12:3

Khoroksa phano samung hamya bai songchajagwi man ya, phiya borok sóini yarwng khe ninang glak.

PHRWNGMUNG 14:32

Borok hamya sakni samung hamyani bagwi khiklaijago, tamo khe borok kahamrok khe bórok sama tẃi khe tongmani bagwi katimung mano.

PHRWNGNAINI 3:21

Borokni phola khe kuchugo thángo tei mal-matarokni phola khe ha bisingo thángo hwnwi sabo saui man?

PHRWNGNAINI 8:13

tamo khe Kaitorno kiriyarokni le kaham wng glak, phiya bórokni langmabo sampili hai khe dakti’-no kwmaui páinai, tamni hwn ba bórok Kaitorno kiriui bórom khlai ya.

PHRWNGNAINI 9:12

Tamni hwn ba khoroksa phano buphuru komormung patino abo si ya. Twini á chei-o kwcha tẃi tei toksarok khẃi-o kwcha tẃi khe bororokni thanibo achomsa khe dob phaiwi klaiwi phai-o.

JISAIA 28:15

Tamni hwn khe, norok hai hwnwi sa lai-o, “Chwng kwthwi bai kók kha lai kha tei hakhor bai khe kók wng lai kha; bebak sokomornai hamya phai phuru khe chini thani nang phai glak; tamni hwn khe norok tatalno kati rwnai khlai lai kha tei kubui yano bwkha bera lai kha.”

JISAIA 28:18

Hakhe nwng butharnai bai kók kha laima thwimani yagulo se nangnai tei kwthwirokni ha bai kók wng laima nang glak; nini saka tẃi digi-sigi sók phai khe nwng abo bai swpragwi khiklaiwi rwjaknai.

JISAIA 47:10

Nwng nini tong sitra tongmung bai se kirina kwrwi hai ma tongo, nwng hai hwnwi sa-o, “Khoroksa phano ano nuknai kwrwi;” nini simung tei wngmung nono lama koró rw kha; tei nwng bwkha bising bisingo hai hwnwi sa kha, “Ang simi se, ano karwi tei khoroksa phano oro kwrwi.”

1 KORINTH 15:43

Phobjakmani mang abo kebel mungsa chúk ya, phiya mwthangwi tisajak khe abo kwrakbo wngnai, chẃngsachabo wngnai.

2 KORINTH 13:4

Bo phan kwrwi wngwi kruso butharjak phano Kaitorni phan bai kwthang tongo. Bo bai thansa wngwi chwngbo phan kwrwi wng kha, tamo khe chwng norok bai samung khlai thani chwng Kaitorni phan bai Khristo bai baksa kwthang tongnai.

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.