PHRWNGNAINI 8:6 - Kok Borok (Re-edited) Bible (BSI)

⁶ Tamni hwn ba bebakni bagwino jora tei raida tongo, phiya ba bororokni saka-o hilikma jwngjal klaijak tongo.

PHRWNGNAINI 8:6 Iomraidhean Croise

JOBNI BIJAP 10:13

Hai phano omorokno nwng nini bwkha-o hui tono; omo haino nwng nai-o hwnwi ang si-o.

JOBNI BIJAP 33:17

abo bai bórok samung hamya tangmarokni kiphilnai, tei kung chukmano khibinai,

JOBNI BIJAP 33:19

“Bórok thuyamrogo swpragwi khorai jago, tei bekrengrok sakrup rwjak máng tongo,

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 3:1

Bebakni’-no jora tongo, o ha saka-o bebak’-nino kaisa jora tongo:

PHRWNGNAINI 3:11

Bo bebakni’-no sói jora chong kha; tei bo borokni bwkha-o lái thángjak tei thinangni kókno sinano muchung rw-o, tamo khe Kaitor yaphangni simi páithak jora tamo khlai kha bororok romwi man ya.

PHRWNGNAINI 3:17

Kaitor borok sutrang tei borok hamya kwnwino’-no buj thumnai, tamni hwn ba bo bebakni bagwi tei bebak samungrokni bagwi abo hai khlaina jora chongjak, hwnwi ang bwkha-o ma sa-o.

LUK SWIMANI KOTHOMA KAHAM 13:25

Nokphang bachaui dugar berepnai, hakhe norok phataro bachaui dugar bu-ui ‘Nokphangsa, chwngno dugar phiyogwi rw di,’ hwnwi sa phuru bo hai hwnwi sa anw, ‘Norok buroni ang saui man ya!’