PHRWNGNAINI 8:16 - Kok Borok (Re-edited) Bible (BSI)

¹⁶ Ang siyanno sina bagwi nai khe tei o ha saka-o wngmarokno naiwi nai khe nuk kha, borok khoroksa tumung hor-sal mokol mukum yaui tong phano Kaitor tamo khlaiwi tong kha abono romwi man súk ya,

PHRWNGNAINI 8:16 Iomraidhean Croise

YAPHANG 31:40

Salo khe ang belai satung manjak kha tei hor kwbángma’-no kwchangma manjak kha, ang thu-ui man li ya.

LOBMUNG 127:2

Norok ereng-ereng se ui-ui khe chámung ajina bagwi phung aidrobo bacha lai-o tei hor thugwi thu lai-o; tamo khe bo bini hamjakmano muktrwi rw-o.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:14

O ha saka-o khlaijakma bebak samungrokno ang nuk kha; omorok bebakno chúk ya máng se; abo le nokbarno riphrik tẃi se.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 2:23

Tamni hwn ba sal brúmno bo samungo dukhu tei tekto mano; horobo bini bwkha lenglamung man ya. Omobo mungsa chúk ya.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 5:12

Samung tangnaisa kisa phano chá thung, kwbáng phano chá thung, bo muktrwi kaham manẃi thu-o; tamo khe gwnangsani a rang-rírok bono muktrwi tháng rw ya khlai-o.

PHRWNGNAINI 7:25

Ang siyanno tẃiwi uansuktang chapjak tongmarokno naitugwi sina bagwi tei borok hamya wngma khe butua wngmani tei butua wngma khe uansukna rwng ya wngmani o kókno sinani bagwi sakthar kha.

PHRWNGNAINI 8:7

Au, tamo wngna naiwi tong kha abono bórok si ya, abo bahai khe wngnai abono bórokno sabo sanai?

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.