PHRWNGNAINI 8:13 - Kok Borok (Re-edited) Bible (BSI)

¹³ tamo khe Kaitorno kiriyarokni le kaham wng glak, phiya bórokni langmabo sampili hai khe dakti’-no kwmaui páinai, tamni hwn ba bórok Kaitorno kiriui bórom khlai ya.

PHRWNGNAINI 8:13 Iomraidhean Croise

JOBNI BIJAP 14:2

khum bar tẃi khe barwi hoichaui thángo, sampili kwma tẃi khe páiwi thángo.

JOBNI BIJAP 18:5

“Ao, borok hamyarokni chati le buthar jago, bini hórjlai chẃng ya.

JOBNI BIJAP 20:5

borok hamyarok dwgwi kung chugui ma tong ya, tei Kaitorno kiriyarokni tongthokma bo srapsani ya diba?

JOBNI BIJAP 21:30

Borok hamyarok digi-sigi phai phuru karwi da klangjakno, joliui majra rwma salo yó da yókno?

LOBMUNG 11:5

Subraiyung borok kaham tei borok hamya kwnwino’-no chánai-o, bo thamchi kutungrokno naislerjago.

LOBMUNG 144:4

Bórok ba rangma simi se; bini umor kutulwi thángnai sampili hai.

LOBMUNG 37:1

Samung hamya tangnairokni bagwi nwng ayuk-muyuk ta wngjak di; samung cha ya khlainairoknobo ta músú di,

LOBMUNG 39:5

“Nwng ani salrokno muk sa bara rw kha, ani thangsungni umor le nini thani mungsa buya. Bororok kwthang tongma le rangma na saui tongma simi se. Sela

LOBMUNG 55:23

Tamo khe o Kaitor, nwng bórokno komorna hakhor kuthugo khiklainai; butharnairok, bandinairok bórok bórokni umorni khaksa phano thang glak. Tamo khe ang le nini thani se bwkha beranai. Rwchapmung tẃithenani bagwi Daudni rwchapmung: Gato Philistiasong bai mechenjak phuru

PHRWNGNAINI 3:14

Ang saui mano Kaitor khlaimani abo mol brúmno tong phlainai; aro tei mungsa swk dauibo man ya kháiklaiwibo man ya; jotono bono bórom khlaiwi kiri thung hwnwi se Kaitor omono khlai-o.

PHRWNGNAINI 5:7

Uansukma báng khe, kók nang ya bángsa-o; tamo khe nwng Kaitorno se kiri di.

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 7:15

Ang ani o mungsa chúk ya thangsungo bebak nuk kha; khoroksa borok kaham bini kahamno tẃiwi thwi-o, phiya tei khoroksa samung hamya tangnai borok hamya khe umor kolok khe thangwi tongo.

PHRWNGNAINI 7:18

Nwng o phrwngmung tháinwirokni bere tháisano phano khibi yaui khnaui tong khe hamo; tamni hwn ba Kaitorno bórom khlaiwi kirinairok o tháinwino’-no khnaui tongwi mannai.

PHRWNGNAINI 8:8

Khoroksa phano nokbarno romwi narwgwi tonwi man ya wngma hai thwinani salnobo kasu-ui narwgwi man ya; chobani jora-o phiyógwi rohorjak ya wngma hai samung hamyabo a samung hamya tangnairokno phiyógwi man glak.

JISAIA 3:11

Cha ya khlainairokni khe bwswk kirimasingcha! Bórok bwswk se kwpal hamya, tamni hwn ba bórok khlaima tẃi’-no bo’-bo khlaijaknai.

JISAIA 30:13

aboni bagwi o sumsok norokni bagwi deual kuchuk kuakma tẃi wngnai, deual kekhokma hai wngnai, omo achomsa kuak srapsani bisingo’-no wngnai;

JISAIA 57:21

Ani Kaitor sa-o, borok hamyarokni bagwi tong kwchang kwrwi.”

JISAIA 65:20

Aroni kwlwi bwsa khoroksa phano thwi glak eba khe khoroksa swk borok chakra umor pung súk yaui thwi glak; khoroksa swk nokha bisi sa ra-o thwi phano bo sikla kho hwnwi se hwnjaknai; nokha bisi ra umor kána swkang thwinairokno khe swraimung nangjak hwnwi hwnjaknai.

JIRIMIA 44:10

Bórok tabuk jora phano khorok bom ya kho gwja, kibo kiri ya tei ang norokno tei norokni chuchusongno kerong tei raida rwma hai khebo bórok tong lai ya gwja.

MALAKI 3:18

Aphuru khe nwng tei uáisa borok kaham bai borok hamya phér laimano, Kaitorno monnai tei mon yani phér laimano nuknai.

JOHON 5:29

Hakhe bórok mangkhorni ongkhorwi phai anw, samung kaham khlainairok kwthang tongna bagwi thangwi bachanai, phiya samung hamya khlainairok khe majra berjakna bagwi thangwi bachanai.”

JAKOB 4:14

Norok khwna bahai khe tongno abo suda norok saui man ya. Norok wng kha siyari hai, abo srapsani bagwi nukjago, phiya srapsani bisingo’-no kwma-o.

2 PITOR 2:3

O kók cha ya phrwngnairok rangno mokol chẃngma bai norokno kerang kothoma saui rang kwbángma khanai. Agini simi bórokni Buj Thumnai tiyar’-no tongo, bórokno sokomornaibo sichaui’-no tongo.