PHRWNGNAINI 7:9 - Kok Borok (Re-edited) Bible (BSI)

⁹ Dakti khe ta joli di, tamni hwn ba butua se bukungo thamchi tẃi-o.

PHRWNGNAINI 7:9 Iomraidhean Croise

YAPHANG 4:8

Kain bini takhuk Abelno hai hwnwi sa kha, “Phai di hukba bwkhak tháng lai anw.” Hakhe hukba-o sógwi khe Kain bini takhuk Abelni bwkhak joliui bachasa kha tei buthar kha.

2 SAMUEL 13:22

Absalomni hanok Tamarno Amnon dera rwmani bagwi belai khe naisler kha, hai phano Amnonno kahambo sa li ya, hamyabo sa li ya.

2 SAMUEL 13:28

Bini selengrokno hai hwnwi dagiui rw kha, “Amnon arak phek suknano naichomwi tong di tei ang, ‘Amnonno swprak di’ hwnwi dagi phuru khe bono pái khibi di. Ta kiri di; ang norokno dagi ya diba? Ta kiri di, bwkha kotor wng di.”

2 SAMUEL 13:32

Tamo khe Daudni takhuk Simenani bwsla Jonadab sa kha, bórok bebak habugrani bwslasongno buthar li ya. Amnon khoroksa se thwi-o Absalom bini bahanokno Amnon romphre phuruni simi khe’-no omo hai khlainani bagwi ampaui chabo.

2 SAMUEL 19:43

Phiya ba Israilni bororok Judani bororokno hai hwnwi sa kha, “Chwng habugrani thani banta kaichi manthai tongo tei Daudni thani bo norokni slái manthai báng kugo. Tamni norok chwngno sak nang ya ma wng? Chwng se swkang chini habugrano kiphilwi tubunani bagwi kók sa lainairok ya da?” Tamo khe Judarokni kók Israil bororokni kók se rak kugo.

PHRWNGMUNG 14:17

Thamchi kutungrok khe samung butua tango tei siyan kwrwngrok khe bwkha logo

PHRWNGMUNG 14:29

Doui joli ya borok khe siyan gwnang, tamo khe thamchi kutungrok khe butua hwnwi se sijago.

PHRWNGMUNG 16:32

Doui joli ya borok bo phan gwnangni slái se kaham kuk tei sakno soiwi tongnai borok bo kamiyung kaisano mechennaini slái se tor kugo.

PHRWNGMUNG 25:8

dodro-dodro buj thumthani ta tubu di; yagulo nini nok arini borok nono lachimung rw khe nwng tamo khlainai?

PHRWNGNAINI 7:10

“Tabukni salrokni slái lái thángma salrok tamo wngwi ham kuk?” hwnwi ta sa di, tamni hwn ba omo le siyan gwnangrokni sẃngmung wngwi man ya.

JONA 4:3

Hakhe tabuk, o Subraiyung, ano butharwi pái si di, ang thangwi tongmani slái thwimani se ham kuk si-o.”

JONA 4:8

Sal kasa khe Kaitor salkabaini nokbar kutung sip rw kha, hakhe Jonani bokhorogo a sal tungmani bai bo lengpraui thwina muchungjak kha. Bo hai hwnwi sa kha, “Ang thangwi tongmani slái thwimani se ham kuk si-o.”

JONA 4:9

Tamo khe Kaitor Jonano hai hwnwi sa kha, “Nwng o buphangni bagwi thamchi kasanani na de nang?” Bo hai hwnwi sa kha, “I’n ang joliui thwiwi se mano.”

MARK 6:19

Hakhe Herodia Johonno naislerjagwi bono butharna naiwi tongo, tamo khe bo abono man ya wngwi tongo,

MARK 6:24

Aphuru a bwrwima phataro thángwi bumano “Ang tamo sannai?” hwnwi sẃngwi kha. Hakhe buma “Baptisma rwnai Johonni bokhorok san di,” hwnwi sa kha.

JAKOB 1:19

Ani khájani takhukrok o kókno si di. Jotono khna thani khunju kwkrwk wngthai, sa thani khe búkhúk hilik wngthai, doui joli thai kwrwi.