PHRWNGNAINI 7:8 - Kok Borok (Re-edited) Bible (BSI)

⁸ Bebakni’-no chengmani slái páithak se ham kugo; kung chukmani slái khe bwkha lokma se ham kugo.

PHRWNGNAINI 7:8 Iomraidhean Croise

PHRWNGMUNG 13:10

Kung chukma le uálaimung se tubu-o, tamo khe kókbiti khnanairok khe siyan gwnang.

PHRWNGMUNG 14:29

Doui joli ya borok khe siyan gwnang, tamo khe thamchi kutungrok khe butua hwnwi se sijago.

PHRWNGMUNG 15:18

Borok thamchi kutung khe kók egwi uálai na hamjago, tamo khe doui thamchi tung yarok khe uálaimano methebo.

PHRWNGMUNG 16:32

Doui joli ya borok bo phan gwnangni slái se kaham kuk tei sakno soiwi tongnai borok bo kamiyung kaisano mechennaini slái se tor kugo.

PHRWNGMUNG 28:25

Khámainaisa khe uálaimungno khursa-o, tamo khe Subraiyungni thani bwkha beranai borok khe hamchanai.

PHRWNGNAINI 7:1

Mung kaham le thok motomni slái se hamo tei achaima salni slái thwimani sal se hamo.

LUK SWIMANI KOTHOMA KAHAM 16:25

Abraham hai hwnwi sa kha, ‘Chwlasa, muitu khe nai di, swngcharo tong phuru nwng bwswk kaham khe tong bu kha; o Lasar abo hai’-no bwswk hamya bisingo ma tong bu kha. Aboni bai bo oro tabuk kaham khe tongo, nwng khe tekto manẃi ma tongo.

LUK SWIMANI KOTHOMA KAHAM 21:19

Kwrak khe tong di, hai khe se norok mwthangjaknai.”

GALATIA 5:22

Phola khe borokno hamjak rw-o, tongthok rw-o, khá kwchang rw-o, hama lok rw-o, khairok rw-o, Phola bai se borok kaham wngo, kók khnanai wngo,

EPIS 4:2

Sal brúm brúm koinene khe tong di, kwchang kwchang khe tong di, khá logwi tong di; khoroksa tei khoroksano hamjagwi hama lok lai di.

HIBRU 10:36

Kaitorni muchungma tẃi khlaiwi manna tẃi khe, phiya bo rwna hwnwi kók rwmano manna tẃi khe norok hama lokna nangnai.

JAKOB 5:11

Bórok soimani bai chwng bórokno hamchajak hwno. Job khá lokmano norok khna kha; Subrai ulo bono bahai khe nai kha abonobo norok saui mano. Tamni hwn ba Subrai wng kha maya gwnang, khairokma gwnang.

JAKOB 5:8

Norokbo khá logwi ma tongnai. Subrai phainani sal kasu rwrwkma bai norok khá rak súgwi tong di.

1 PITOR 1:13

Hakhe tabuk, samung khlaina bagwi bwkhano kwrak khe ton di. Sichaui tong di, Jisu Khristo nukjak phuru norok khairokjaknano khatung súgwi tong di.