PHRWNGNAINI 7:7 - Kok Borok (Re-edited) Bible (BSI)

⁷ Siyan gwnangsa sátok-pitok khlai khe bo butua se wngo tei rang cháma khe bwkhano hamya khlai-o.

PHRWNGNAINI 7:7 Iomraidhean Croise

LAM RWMA 23:8

Norok rang ta chá di, abo buj thumnairokno mokol nuk ya khlai-o tei abo borok sóirokno bujsói man thani dera rw-o.

PHRWNGMUNG 17:23

Bujsói wng ya khlaina bagwi borok hamya buini thani rang cha-o.

PHRWNGMUNG 17:8

Rang tuknairok rang tukmano kók mwtai hai wngjago; bo mwkhang rwma bwkhakno hamcha-o.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

PHRWNGNAINI 5:8

Nwng nini angkorni kwrẃngsa swgo bigrarokno sátokjakma nuk khe tei bujsói khlaijak ya wngma nuk khe ta kwmamsa di; tamni hwn ba khoroksa tẃiphangni saka-o tei khoroksa kotorsa tongo tei bórok khoroknwini saka-o teibo kotor kotor tangphangrok tongo.

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.

JISAIA 1:23

Norokni ha naikolnairok kók nayarok tei sikhokrokni mángsong; bórok bebakno rang chána nai-o tei hili manna nai lai-o. Bórok ma-pha kwrwirokni bagwi kók sachru ya, phiyók ya, randijwkrokni nangmarokno sak nang ya.

JISAIA 33:15

Kubui lama-o himo tei sói kók kubui sanai, kusubwi manmano selengnai, yak bara rang tukmarokno yago nangnai se hwnwi yak jangrinai, butharnani kókrok khnanai se hwnwi khunju muthubwi tongnai tei samung hamya khlaima nuknai se hwnwi mukumui tongnai borok,

UÁINWINI SA PHIMA 16:19

Norok buj cha ya ta khlai di, norok baksano khájani tei baksano khe phikungni ta khlai di; tei yak bára rang ta na di, tamni hwn ba yak bára rang cháma abo sinairokni mokolno nuk ya khlai-o tei cha yano cha rw-o.

UÁINWINI SA PHIMA 28:65

Phiya norok a dopharokni bisingo kisa phano tongthokma man glak tei norokni yakungni yapha tolani bagwi lenglathai tong glak. Phiya Subraiyung aro norokno bwkha kwlwi rwnai, mokol siyari wngnai tei bwkha kwbai wngnai.

1 SAMUEL 12:3

“Ang orono tongo, ang mungsa swk hamya khlaima tong khe Subraiyungni bwskango tei bo chongmani habugrani bwskang ano kul di, ang khoroksa swkni musuk tei koraichirkano namani de tong kha? Khoroksa swkno ang bade bandi kha tei khoroksa swkno kuda kusup kha? Ang khoroksa swkni thani rang de chá kha? Abo hai kaisa swk khlaima tong khe ang abórokno kiphilwi rw anw.”

1 SAMUEL 21:14

Hakhe Akis bini selengrokno hai hwnwi sa kha, “Nai di, o borok kobor se, hakhe tamni norok bono ani thani tubu lai?

1 SAMUEL 8:3

Phiya ba bórok bupha hai wng lai ya, bórok rangno se hamjak kuk lai-o, bórok rang chá laiwi sói bujni samung tang li ya.