PHRWNGNAINI 7:5 - Kok Borok (Re-edited) Bible (BSI)

⁵ Butuarokni rwchapmung khnamani slái siyan gwnangrokni kulmano khna ma se ham kugo.

PHRWNGNAINI 7:5 Iomraidhean Croise

LOBMUNG 141:5

Borok kaham ano swprak thung; kók narwknai ano khorai thung. Borok hamyarokni thok bai ani bokhorogo lukhlai chongthar ta chong rw di, tamni hwn ba ang bórokni samung hamyarokno kebengwi suri phlai máng tongo.

LOBMUNG 69:12

Duglamo achugwi kók kepek sa lainairokni kók bothoma se wng si-o, ang chuak kephekrokni rwchapmungrok se wng si-o.

PHRWNGMUNG 13:13

Kók khna ya borok sakni bagwi komormung tubu-o, dagimungno khnanai khe sokat mannai.

PHRWNGMUNG 13:18

Swrwngna nai ya borok khe bigra khanai tei lachi rwjaknai, phiya ba khoraimano khnanai borok khe bórom khlaijaknai.

PHRWNGMUNG 17:10

Butuarok uáisa-ra swprakjagwi sajakmani slái siyan gwnangrok tháisa khoraijakma bai teibo sajago.

PHRWNGMUNG 25:12

Rangchakni longphu tei uakhumrok haino, khunju kaichomnaini thani siyan gwnang khorainaini kókbo abo hai’-no klai-o.

PHRWNGMUNG 27:6

Kena ari kwbángma bandiui motom su-ui mano, tamo khe kiching bu phano aro kók narwkma tongo.

PHRWNGMUNG 6:23

Tamni hwn ba dagimungrok wng kha chati tei phrwngmungrok khe pohor, phrwngna bagwi khoraima khe thangsungni bagwi lama se,

PHRWNGMUNG 9:8

Buino hamya sanaino khorai khe nwng na simi se naislerjaknai; siyan gwnangrokno phrwng khe bo nono hamjaknai.

PHRWNGNAINI 12:11

Siyan gwnangrok kók samarok le painjon latha hai, bórokni kókrokno thumsa khe thum khe kwrak khe sorni khili dúmjak hai, abórok bebakno khoroksa mera mwrwknai bai rwjakmani.

PHRWNGNAINI 7:4

Siyan gwnangni bwkha-o khe bwkha khammung tongo; tamo khe butuasani bwkha-o khe bagrumwi tongthoknano máng uansugo.

PHRWNGNAINI 9:17

Tẃiphang butua chrikmani slái siyan kwrwng twrwksa khe kók sama se ham kugo.

PHUNUKJAKMANI 3:19

Ang hamjakma bororokno khobo khorai-o, bubo bu-o. Hakhe kaichomwi sumsok yakar di.