PHRWNGNAINI 7:4 - Kok Borok (Re-edited) Bible (BSI)

⁴ Siyan gwnangni bwkha-o khe bwkha khammung tongo; tamo khe butuasani bwkha-o khe bagrumwi tongthoknano máng uansugo.

PHRWNGNAINI 7:4 Iomraidhean Croise

2 SAMUEL 13:28

Bini selengrokno hai hwnwi dagiui rw kha, “Amnon arak phek suknano naichomwi tong di tei ang, ‘Amnonno swprak di’ hwnwi dagi phuru khe bono pái khibi di. Ta kiri di; ang norokno dagi ya diba? Ta kiri di, bwkha kotor wng di.”

1 HABUGRA 20:16

Hakhe bórok nongkhorwi thángwi diboro choba bachaui kha. Aphuru Benhadad tei bono chubanai khorok thamchinwi habugrarok ríni nogo nung laiwi phek laijak.

PHRWNGNAINI 2:1

“Tongthokma abo tamo bubotẃi chánaiwi nai grana” hwnwi ang sak-sak sa kha. Phiya ba abobo mungsa chúk ya hwnwi saui man kha.

PHRWNGNAINI 7:3

Mwnwinani slái bwkha mokma se ham kugo, tamni hwn ba abo mwkhangno kosom khlai phano nini bwkhano srang rw-o.

PHRWNGNAINI 7:5

Butuarokni rwchapmung khnamani slái siyan gwnangrokni kulmano khna ma se ham kugo.

JISAIA 21:4

Ani bwkha-o uansugo, kirimani bai ang ma mogo; sal phainanino ang naisingwi tongmani abo ani bagwi kirimung se wng si-o.

JIRIMIA 51:39

Bórok ok khui khe ang bórokni bagwi chámung nungmung rw anw; bórok khá si ya wng ya sak tei mol brúm brúmni bagwi muktrwi tháng ya sak phek rw anw tei sichaui man phi glak hwnwi Subraiyung sa-o.

JIRIMIA 51:57

Ang bórokni tangphangrokno tei sinai nuknairokno, bini samung tang okra bai choba nang lainairokno phek rw anw. Abo bai bórok mol brúm brúmni bagwi muktrwi tháng anw, tei sicha glak hwnwi habugra sa-o, bini bumung wng kha sengkrakrokni Subraiyung.

DANIEL 5:30

A horono Belsajar Babilonni habugra butharjak kha.

HOSEA 7:5

A salo chini habugrarok tei tangphangrok angur bwtwi nungma bai lum bai kha; bo poito kwrwirok bai se gwdal si-o.

NAHUM 1:10

Bórok wng kha rap laijak busurok hai, chuak kephekrok hai khe bórok phekjak; bórok chwkap kwran hai khe khamwi páinai.

1 SAMUEL 25:36

Abigail nogo kiphilwi tháng kha, yang Nabal khe habugrani chámung panda hai khe se nogo panda khlaiwi tongo. Bo arak kephek wngwi belai khe tongthogwi tong kha, hakhe Abigail bono aiyasani bono mungsa phano sa li ya.

1 SAMUEL 30:16

Bo Daudno tlangwi tháng phuru bórok bebakno hapharo aro-uro wngwi tong laijak. Chá lai nung lai tei mwsa laiwi tongthok laiwi tongmani, tamni hwn ba bórok ha Philistiani tei Judani kwbángma manwi-khwnwirok tubu-ui man kha.