PHRWNGNAINI 7:3 - Kok Borok (Re-edited) Bible (BSI)

³ Mwnwinani slái bwkha mokma se ham kugo, tamni hwn ba abo mwkhangno kosom khlai phano nini bwkhano srang rw-o.

PHRWNGNAINI 7:3 Iomraidhean Croise

LOBMUNG 119:67

Koinene khlai rwjak ya sini swkang ang lama koróui tongmani tamo khe tabuk ang nini kókno tẃi-o.

LOBMUNG 119:71

Ang koinene khlai rwjakmani abo ani bagwi kaham se, abo ang nini tongmungno rwngna bagwi se.

PHRWNGNAINI 2:2

“Mwnwi-kelek bo kobor chama se tei tongthok-cháthok tongwibo mungsa manna kwrwi” hwnwi ang hwno.

PHRWNGNAINI 7:4

Siyan gwnangni bwkha-o khe bwkha khammung tongo; tamo khe butuasani bwkha-o khe bagrumwi tongthoknano máng uansugo.

DANIEL 10:19

Bo hai hwnwi sa kha, “Kaitor nono hamjago, ta kiri di, khakchangma tong thung, phan rak di tei bwkha tor rw di.” Subrai bo ano omo hai saui ang phan man khe ang hai hwnwi sa kha, “Nwng ano phan rw kha, tabuk le ano sa di.”

LUK SWIMANI KOTHOMA KAHAM 6:21

“Tabuk ok khuijakrok norok hamchajak; norok ok supungjak anw! “Tabuk kapnairok norok hamchajak; norok ma mwnwi anw!

LUK SWIMANI KOTHOMA KAHAM 6:25

“Tabuk ok pungjakrok norok bwswk se hamya sitrano; norok ok khuiwi ma tong anw! “Tabuk mwnwinairok norok bwswk se hamya sitrano; norok muisubuk chaui ma kap anw!

2 KORINTH 4:17

Tabuk chwng srapsa kisa tekto manmani abo bai’-no chwng chẃng rwjaknai, abo kwbo kwbángma, pabo pái phlai ya, abo a tekto bai su thai kwrwi.