PHRWNGNAINI 7:2 - Kok Borok (Re-edited) Bible (BSI)

² Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 7:2 Iomraidhean Croise

LOBMUNG 90:12

Hakhe, chwngno chini salrokno lekhana phrwng di, abo bai chini bwkha-o chwng sinani man anw.

PHRWNGNAINI 2:14

Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 2:16

Tamni hwn ba khoroksa phano siyan gwnang borokno eba butuano muitu khlainai kwrwi, thinangni salrogo bebakno pogwi thángjaknai. Siyan gwnangsa thwima hai kheno butuasabo thwi-o!

PHRWNGNAINI 3:19

Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 3:20

Bebakno kwrẃngsa’-ono ma thángo; bebakno hadlwini snamjakmani bebakno hadlwino kha phiro.

PHRWNGNAINI 6:6

Bo bisi nwira thangwi tong lang phano tongthogwi se ma tong lang ya—bórok joto’-no kwrẃngsa’-ono ma tháng ya diba?

PHRWNGNAINI 9:2

tamni hwn ba jotoni manthai le baksa se; bo borok kaham hwn thung hamya hwn thung, kwthar hwn thung eba kwthar ya hwn thung, yapharnairok wng thung yaphar yarok phano wng thung. Borok hamyarok man tẃi’-no borok kahamrokbo mannai; swmai tangnairokbo tei swmai tangna kirinarokbo abono mannai.

PHRWNGNAINI 9:3

O ha saka-o mungsa hamya wngma khe, bebakno baksa kheno manjago, bwkhabo hamya bai máng kupulungno tei se kwthang tong phuru bórokni bwkha-o bwkha ma nangma bai kupulung khe ma tongo tei kwthang tong langsak’-no bwkha kobor chaui ma tongo, aboni ulo khe bórok thwi-o.

PHRWNGNAINI 9:5

Kwthang tongnairok, bórok thwinai hwnwi si-o, tamo khe kwthwirok le mungsa si ya; bórokni tei sokat kwrwi kha, bórokni kókno buibo pogwi thángo.

JISAIA 47:7

Nwng hai hwnwi sa kha, “Ang mol brúmni bagwi bubagrajwk wngnai,” aboni bagwi’-no nwng omorokno bwkha-o chu-ui ton li ya, eba bórokni páithago tamo wngno uansuk li ya.

JIRIMIA 16:8

Nwng bórokni nogo chámung panda-o bórok bai pal ta achugwi di, tabo ta cháui di tei tabo ta nungwi di.

HAGAI 1:5

Aboni bagwi kwplaisa Subraiyung hai hwnwi sa-o: norok bwswk tamo khe tong kha uansuk di.

MALAKI 2:2

Tumung norok ani kók khna ya khe tei norok ani mungno chẃngsacha khlainani chong ya khe ang norokni saka-o swraimung rohornai tei nini hamarini saka-o bo swraimung rwnai, ang bórokni saka-o swraimung se rwui pái kha tamni hwn ba norok ani dagimarokno sak nangjak ya.

LEKHAMUNG 23:10

Jakobni hadlwino sabo lekhaui mannai tong? Israilni khak brwi brwino sabo lekhaui mannai? Borok kahamrok hai khe angbo thwi kaham ma thwi si thung. Bórokni hai kheno ani bo pái si thung!”

MATHAI 5:4

“Khá khamnairok bórok hamchajak; Kaitor bórokno khá kwchang rwnai!

UÁINWINI SA PHIMA 32:29

Bórok sinai wng khe se romwi man kha mun, bórokni páithago tamo wngno saui man kha mun;

UÁINWINI SA PHIMA 32:46

bo bórokno hai hwnwi sa kha, “Ang tini norokni thani sakhlaiwi mano norok bebak kóktháirokno bwkha-o chop di tei norokni bwsarok o raidarokni bebak kókrokno tẃiwi tongnani bagwi sakthar thung, aboni bagwi nwsarokno omono dagi di.”

PHILIPI 3:19

Bórok gaijana kasu kha, tamni hwn khe sak muchungmani abo se bórokni mwtai, lachimasingcha samungno tẃiwi se bórok kung chugo, phiya o swngcharni kók simi se bórok uansugo.

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.