PHRWNGNAINI 7:18 - Kok Borok (Re-edited) Bible (BSI)

¹⁸ Nwng o phrwngmung tháinwirokni bere tháisano phano khibi yaui khnaui tong khe hamo; tamni hwn ba Kaitorno bórom khlaiwi kirinairok o tháinwino’-no khnaui tongwi mannai.

PHRWNGNAINI 7:18 Iomraidhean Croise

PHRWNGMUNG 12:21

Borok sóirok mungsa hamya manjak glak, tamo khe borok hamyarok khe tekto máng manjago.

PHRWNGMUNG 8:20

Ang borok kahamrokni lama tẃi himo, tei bujsói tẃiwi himo,

PHRWNGNAINI 11:6

Nwng phung aidrobo bwchlwi sar di, sarigobo abo hai samung tang di, nini yak ta thak di; tamni hwn ba bu jorani samung chano eba a kwnwi jorani-no da baksa khe hamno nwng abono saui man ya.

PHRWNGNAINI 12:13

Tabuk le bebakno khna bái laha; tamo khe kók páithak khe omo se, Kaitorno bórom khlaiwi kiriui tei bini dagima khnama bising tẃi se borokni bebak khlaithai khlaijago.

PHRWNGNAINI 3:14

Ang saui mano Kaitor khlaimani abo mol brúmno tong phlainai; aro tei mungsa swk dauibo man ya kháiklaiwibo man ya; jotono bono bórom khlaiwi kiri thung hwnwi se Kaitor omono khlai-o.

PHRWNGNAINI 5:7

Uansukma báng khe, kók nang ya bángsa-o; tamo khe nwng Kaitorno se kiri di.

PHRWNGNAINI 8:12

Borok hamyarok samung hamya khlaima saka khlai tong phano tei bórok umor kolok khe thangwi tong phano, hai phano ang saui mano Kaitorno kirinairokni le kaham’-no wngnai, tamni hwn ba bórok bono bórom khlaiwi bini bwskango bachaui tongo,

PHRWNGNAINI 8:13

tamo khe Kaitorno kiriyarokni le kaham wng glak, phiya bórokni langmabo sampili hai khe dakti’-no kwmaui páinai, tamni hwn ba bórok Kaitorno kiriui bórom khlai ya.

JIRIMIA 32:40

Ang bórok bai mol brúm brúm tong phlainai swmai tangnai, samung kaham khlaima bo mwthak glak tei ani aroni khárwi thángwi man ya tẃi khlai, bórokni bwkha-o ang kirima hap rwnai.

MALAKI 4:2

Phiya ano kirinairok, norokni saka-o khe ani bujsóini sal kasanai tei aboni pohor bai kaham kwrwng khe tongnai. Nwng musuk bwsa nokni yógwi kherbai rw tẃi khe bársaui tongthoknai.

LUK SWIMANI KOTHOMA KAHAM 1:50

Bono kirinai bebak borokno maya chá-o bo kusung kusungo.

LUK SWIMANI KOTHOMA KAHAM 11:42

“Pharisairok, norok bwswk se hamya sitra no! Norok banta, wsundwi tei bebak daloni kaichi-o kaisa Kaitorno rwui tongo, yang khe buino sói khe nainani, Kaitorno hamjaknani abono khe norok samung nangjak ya. Abo tẃirokno khlaiwi’-no omo hai khe tongthai klai-o.