PHRWNGNAINI 7:16 - Kok Borok (Re-edited) Bible (BSI)

¹⁶ Belai kaham ta wng di tei belai sinai hai khe ta phunuk di; nwng tamni sak-sakno sokomornai?

PHRWNGNAINI 7:16 Iomraidhean Croise

YAPHANG 3:6

A bwrwi a buphangno naithok nuk kha tei bini bwthái chá khe bwswk thokno tei siyan gwnang wng khe bwswk hamno hwnwi uansuk kha, hakhe bo aboni bwthái khagwi chá kha tei bwsainobo kisa chá di hwnwi rw khe bwsaibo abono chá kha.

JOBNI BIJAP 11:12

Butuasarok siyan wng anw, sicha anw. Borokbo ahaino korai chirkani bwsa hai kheno achai-o.

JOBNI BIJAP 28:28

“Tei bo borokno sa-o, ‘Ao, Kaitorno kirima se simung, tei hamyano khibiui khármani khe saui manmung.’ ”

PHRWNGMUNG 23:4

Rang-ríni bagwi aswk kolomtwi ta khiklai di; abo hai wng ya wngna bagwi nangma swk siyan gwnang wng di.

PHRWNGMUNG 25:16

Tumung nwng piya bwtwi man khe, nwng cháui manma swk simi chá di, bára chá khe nwng kwbanai se.

PHRWNGNAINI 12:12

Angsla, o kókrok bai tei mungsa swk da daljak-duljuk abono hus wng di, bijap swijakmani thak phlai ya, belai pori khebo sak lengpra-o.

MATHAI 23:29

“Kerong phrwngnairok bai Pharisairok, phatrarok! Norok bwswk se hamya sitra no! Norok diyarirokni mangkhor naithok khlai-o, agi phuru kaham khe tongnairokni holong mukumu chithi-o;

MATHAI 23:38

Tabuk norokni nok khibijak súk’-anw.

MATHAI 23:5

Bororokno phunukna bagwi simi se bórok samung khlai-o. Naisik di, bórokni kwpal bai yaktwkrogo Elembakni kók bwswk kotor kotor khe khatrojak! Naisik di, bórokni rí bwswk se liling lala!

MATHAI 9:14

Aphuru baptisma rwnai Johonni sagrirok phaiwi Jisuno hai hwnwi sẃng kha, “Chwng bai Pharisairok ba tamo wngwi ubas tong tong lai sla? Nini sagrirok le kisa phano tong ya sla?”

LUK SWIMANI KOTHOMA KAHAM 18:12

Ang hati barsa-o uáinwi ubas tongo, ang ajimani kaichi-o kaisa nono rwui tongo.’

RUMSONGNO POL SWIHORMANI 10:2

Ang bórokni kók saui mano, Kaitorni kók hwn khe bórok belai kwsrang se, tamo khe bórok kwsrang phano abono kaham khe si ya.

RUMSONGNO POL SWIHORMANI 11:25

Takhukrok, oro bisingni kók tongo, ang abono norokno saui man rwna nai-o. Norok abono saui man khe norok saichung saichung belai si-o hwnwi uansuk glak. A kók wng kha omo hai, Israilrok kók khna ya wngmani abo srapsani se, Kaitorni thani phainai abo tẃi buini bororok bebak’-no phai bai ya sak se abo tongnai.

RUMSONGNO POL SWIHORMANI 12:3

Kaitor ano khairogwi suar rwma bai ang norok bebakno’-no o kók sa-o: Kotor wng yaui sakno kotor ta nuk di, abo wng yaui sakno sutrang khe nuk di, Kaitor norokno poito khlaiwi rwma swk’-no jotono sakno nuk di.

1 KORINTH 3:18

Khoroksa phano lama ta koró thung. Norokni bisingo khoroksa swk phano bo o swngcharni sinai hwnwi khá chong khe bo sói sói sinai wngna tẃi khe si ya wng gra thung.

1 KORINTH 3:20

Elembago hai hwnwibo sa-o, “Elem gwnangrokni uansukma samung chúk ya hwnwi Kaitor saui mano.”

PHILIPI 3:6

hakhe belai srangma bai ang mothano sátok kha. Kerong rákhogwi kaham wngmani kók hwn khe ani majra kwrwi.

KOLOSAI 2:18

Kaitor bai imang phunukjak kha hwnwi sakno kotor khlaiwi tongnai abo tẃi borok bai majra ta berjak di. Abo tẃi borok saka saka kaham khe tong di hwno, suarirokno suri di hwnwibo hwno. Bo saichung sak kaisa uansukma bai kwrwi kwrwi’-no torsajak wngwi tongo.

KOLOSAI 2:23

Abo hai phano suarirokno ma surinai, saka saka kaham ma phunuknai, bwsakno panjalwi’-no ma sátoknai hwnwi hwnmani o kókrok kók elemi hai nugo; phiya ba sak muchungmarokno kisa phano khalwi narwgwi man ya.

1 TIMOTHI 4:3

Abo tẃi bororok ta káijak di hwno, bebak chámungno ta chá di hwno. Tamo khe poito khlaiwi kubuino sinairok hambai rwui cháui manna tẃi khe Kaitor bebak chámungrok snamo.

PHUNUKJAKMANI 18:19

Bórok bokhorogo hadlwi sar lai kha, bórok muisubuk chaui kap laiwi hai hwnwi sa lai kha, “Omai-o! Omai-o! A taun kotor bwswk kirimasingcha! Bo wng kha a taun bini rang-mairok bai’-no rungtor tẃi bepar thwngnairok gwnang wngmani, srapsani bisingo’-no bini bebak’-no kwmajak bai kha!”