PHRWNGNAINI 7:13 - Kok Borok (Re-edited) Bible (BSI)

¹³ Kaitorni samungno uansugwi nai di; bo kokoi khlaimano sabo sepengwi mannai?

PHRWNGNAINI 7:13 Iomraidhean Croise

JOBNI BIJAP 11:10

Tumungno bo phaiwi alongo chop phai khe, tei buj thumna bagwi kuthum rw khe, sabo bono kebengnai?

JOBNI BIJAP 12:14

Bo swbai khe khoroksa phano tisa phirwi man ya; Bo kholop khe khoroksabo phiyogwi man ya.

JOBNI BIJAP 34:29

Bo siring siring tong phuru, sabo hamya saui mannai? Dopha phano wng thung eba sak saichung phano wng thung, bo nukjak ya khe tong khe sabo bono nuknai?

JOBNI BIJAP 37:14

“Job, nwng omono khna di bathagwi Kaitorni kwmamsingcha samungrokno uansugwi nai di.

JOBNI BIJAP 9:12

Bo muchung twino segwibo tlango; bono sabo kasu-ui mannai? Bono sabo ‘Nwng tamo khlai?’ hwnwi sẃng raknai?

LOBMUNG 107:43

Siyan gwnang bororok omono tẃi uansugo tei bórok Subraiyungni pái phlai ya hamjakmano tẃi mokol kai-o. Kebengnai Arirokno Kebengna bagwi Chubamung sanwi Surima

LOBMUNG 8:3

Nini yasi bai snamjak nokharokno naisaui nai khe, sal, tal tei athukirirokno bórokni tongthai-o tonmano naiwi nai khe;

PHRWNGNAINI 1:15

Kokoino kepleng khlaiwi man ya, ká súk yanobo ká súk rwui man glak.

PHRWNGNAINI 3:11

Bo bebakni’-no sói jora chong kha; tei bo borokni bwkha-o lái thángjak tei thinangni kókno sinano muchung rw-o, tamo khe Kaitor yaphangni simi páithak jora tamo khlai kha bororok romwi man ya.

PHRWNGNAINI 8:17

aphuru ang o ha saka-o Kaitorni aswkni samungno nuk kha, abono khoroksa phano naitugwi man ya. Abono saui manna bagwi bororok chaitok súk phano bórok abono man glak; siyan kwrwngrok abono buchi kha hwnwi sa phano abono pái súgwi buchiui man glak.

JISAIA 14:27

Tamni hwn khe sengkrakrokni Subraiyungni chapma tongo, sabo omono sláiwi mannai? Phiya bo bini yakno pholok kha, sabo abono mwthaknai?”

JISAIA 43:13

Ang’-no Kaitor a salni simi’-no ang’-no bo; tei ani yakni khoroksa phano phiyógwi mannai kwrwi; tei ang samung khlai-o, abono sabo kebengwi mannai tong?”

JISAIA 5:12

Bórokni panda-o sarinda, totro, kham lapsa, sumui tei arak tongo; phiya ba, bórok Subraiyungni samungo sakthar li ya tei bini yakni samungrokno uansugwi nai li ya gwja.

DANIEL 4:35

Joto ha-o tong bainai bororok bini thani mungsa buya. Bo bini muchung tẃi khe chuknohani suarirok tei ha-o tong bainai bororokno khlai-o. Khoroksa phano bini muchungmano kasu-ui man ya tei tamni abo hai khlai lang hwnwibo sẃngwi man ya.

LUK SWIMANI KOTHOMA KAHAM 12:26

Omo hai samung kotoino khlaiwi man ya khe aswk manwirokni bagwi tamni uanaui tong?

RUMSONGNO POL SWIHORMANI 9:15

Bo Musino hai hwnwi sa kha, “Ang maya chána muchungma borokno ang maya chánai, ang khairokna muchungma borokno ang khairoknai.”

RUMSONGNO POL SWIHORMANI 9:19

Hakhe norokni bere khoroksa swk ano hai hwnwi sa anw, “Omo hai hwn khe Kaitor bahai khe borokni cha yano rom sla? Kaitorni muchungmano sabo i’nhi hwnwi man?”

EPIS 1:11

Bebak samung’-no Kaitor chapma tẃi tei Kaitor chongma tẃi’-no khlaijago; Kaitor bini khá chapma bai Khristo bai thansa wngma bising tẃi chwngno bini borok wngna hwnwi chong kha, abo yaphangni simi bo khá chongwi phaima tẃi’-no khlaijak kha.