PHRWNGNAINI 7:12 - Kok Borok (Re-edited) Bible (BSI)

¹² Tamni hwn ba siyan rang-rí hai’-no khom-khom khe kati rwui tono, tamo khe siyan hammani khe, siyan a siyan gwnangni langmano kati rwui tono.

PHRWNGNAINI 7:12 Iomraidhean Croise

JOBNI BIJAP 1:10

Nwng bono hamyani yakni kati rwui máng tongo, bini núkhungno tei bini bebak tong kwrwirokno nwng mwrwgwi tongo. Nwng bini bebak samungrogobo hamari rw kha tei ha saka-o bini mal-matarokbo er kha.

LOBMUNG 57:1

Ano khairok ja di, o Kaitor ano khairok ja di, tamni hwn ba ang nini thani khorok bom phai-o; sokomornai nokbar kotor lái ya sak ang nini kangkhung saklomo bomnai.

PHRWNGMUNG 11:4

Rang-rírok nini jora hamya phuru-o mungsa chúk ya, tamo khe sói khe tongma ma thwinani yakni phiyógo.

PHRWNGMUNG 14:20

Nok ari bororok suda bigrano khe hamjak ya, tamo khe gwnangsani le bayap kwbángma tongo.

PHRWNGMUNG 2:11

nini kaham-hamya uansukmung nono mwrwgwi tongnai; a simung-no nono mwrwknai.

PHRWNGMUNG 2:7

bo borok sutrangrokni bagwi kaham elem khati-o; srai-srai khe tongnairokni bagwi bo se phui wngo,

PHRWNGMUNG 3:18

Bo wng kha bono romnairokni bagwi langmani buphang; bono kwrak khe romnairok hamchajak hwnjago.

PHRWNGMUNG 8:35

Phiya ano mannairok le langma se mano tei Subraiyung baibo khá phurjago;

PHRWNGMUNG 9:11

Tamni hwn ba siyan nini salrokno kwbáng khlaiwi umor manju-ui bisi kwbángma kwthang tonnai.

PHRWNGNAINI 10:19

Mwnwi-kelek khe tongthokna bagwi chámung ter khlaijago; angur bwtwi khe langma-o tongthok rw-o tei rang khe aswkni nangmano man rw-o.

PHRWNGNAINI 2:13

Ulo khe ang nuk kha, mwnakni slái pohor hamo, abo hai’-no butuani slái siyanbo kaham.

PHRWNGNAINI 7:19

Kamiyungni khorokchi tẃiphangrokni slái siyan khoroksa siyan gwnangno teibo phankrak khlai-o.

PHRWNGNAINI 9:16

Hakhe ang hai hwnwi sa kha, “Phanni slái khe siyan se ham kugo; hai phano bigrasani siyanno sak nang ya wngjago tei bini kókroknobo khunju kanjak ya wngo.”

PHRWNGNAINI 9:18

Simung khe chobani da-sengrokni slái kaham, tamo khe borok hamya kwbángma kahamno dera rw-o.

JISAIA 30:2

Bórok ang bai kókbiti sa lai yaui’-no Ijip ha-o thángna bagwi lam rw kha, Pharaoni aro katiui bomna bagwi tei nono lachi rwna bagwi Ijipni saklomo tongthai naitugwi tháng kha.

JISAIA 32:2

Bórok bebakno nokbar kotoro khárjakthai hai wngnai tei bangkundri-o kati rwnai hai tei ha kwrano twisa yor tẃi tei kirimasingcha ha-o khamprajak holongthai kotor bai saklom rwma hai wngnai.

JISAIA 33:6

tei bo nini jora-o kwrak wngnai, mwthangjaknani phan, simung tei rwngmung bai beglai rwnai; Subraiyungno kirima wng kha bini rangkhók.

JOHON 12:50

Ang saui mano bo dagimani abo mwthang phlainai se. Hakhe ang samani omo Apha sa di hwnwi samani abo hai se.”

JOHON 17:3

Nwng simi se kubuini Kaitor, hakhe nono sinimani, phiya nwng rohormani Jisu Khristono sinimani abo se borokno mwthang phlainai.

UÁINWINI SA PHIMA 32:47

Omo norokni bagwi haino nang nung ya kók ya, phiya ba, omo wng kha norokni langma. Omorok bai se norok Jordan basu-ui thángwi sakni ha hwnwi manma a ha-o dwgwi tongwi mannai.

PHILIPI 3:8

Abórok simi ya, bebakni slái teibo belai kaham ani Subrai Khristo Jisuno saui manna bagwi ang joto manwi’-no kwma súk kha hwnwi tong kha. Bini bagwi ang joto manwino khibi kha; ang Khristono manna tẃi khe, phiya bo bai thansa wng súgwi manna tẃi khe abórok bebakno laisrwi bosrwi hwnwi khá romwi tong kha. Kerong rákhokma bai kaham wng kha ang abo tẃi buya. Khristono poito khlaima bising tẃi ang tabuk kaham hwnjak kha, omo Kaitorni aroni phaima se, phiya omoni yaphango hwn khe poito se.

BUJ THUMNAIROK 9:15

Busulwng buphangrokno hai hwnwi sa kha, “Norok kubui’-no ano norokni bugra chá rwna muchung khe, ani saklomo bathak phai di, wng ya khe busulwngni hór pekhagwi Lebanonni buphangrokno kham rw bainai.”