PHRWNGNAINI 6:9 - Kok Borok (Re-edited) Bible (BSI)

⁹ Teibo manna muchungmani slái mokol bai nugwi tongma’-ono bwkha kochomma se ham kugo; omobo chúk ya tei nokbarno riphrikma hai se.

PHRWNGNAINI 6:9 Iomraidhean Croise

JOBNI BIJAP 31:7

Tumung ani yapri lamani phér khe, tei ani bwkha mokol bai nugwi chong tẃi chong khe tei tumung mungsa swk kosom ani yakrogo nangwi tong khe;

PHRWNGNAINI 1:14

O ha saka-o khlaijakma bebak samungrokno ang nuk kha; omorok bebakno chúk ya máng se; abo le nokbarno riphrik tẃi se.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 1:2

Chúk ya, chúk suk ya, hwnwi phrwngnaisa sa-o, chúk ya, chúk súk ya! bebakno chúk ya, katswi chúk ya.

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 6:2

Kaitor baksa baksano khe rang-mai, bórom, nok-huk rwui bórokno mungsa phano biyal wng ya khe ton kha, tamo khe Kaitor bórokno a manwirokno cháui nungwi tongthokna rw ya, bui se abono cháui nungwi tongthogo. Omobo chúk ya; belai khe cha ya.

JIRIMIA 2:20

Bisi kwbángma swkang’-no nwng horbakno swbai kha, tei nini dwkhwino sachu kha. Phiya nwng hai hwnwi sa kha, “Ang nono mon li ya!” Sak phalnai hai khe nwng hathái kuchukma tei bebak buphang kwkhrang yaphango sakno rwui khulum kha.