PHRWNGNAINI 6:6 - Kok Borok (Re-edited) Bible (BSI)

⁶ Bo bisi nwira thangwi tong lang phano tongthogwi se ma tong lang ya—bórok joto’-no kwrẃngsa’-ono ma tháng ya diba?

PHRWNGNAINI 6:6 Iomraidhean Croise

YAPHANG 5:5

Tei Adam nokha bisi chukurathamchi umoro khe thwi kha.

JOBNI BIJAP 1:21

Tei bo hai hwnwi sa kha, “Ang amani oksingni yak bukcha phaimani, yak bukcha kheno tháng phinai; Subraiyung rwmani, Subraiyungno tlangwi tháng phi kha; Subraiyungni mung kuchuk wng thung.”

JOBNI BIJAP 30:23

Ang si-o, nwng ano butharnai, tei bebak thangwi tongnairokni bagwibo tongthai chong kha.

JOBNI BIJAP 7:7

“Muitu narwk di, ani langma khe hama se; ang tei mokol bai tongthok nuk glak.

LOBMUNG 34:12

Norokni bere sabo thangwi tongnano hamjak, tei kaham kwrwng khe tongna bagwi umor kolok khatung?

PHRWNGNAINI 12:7

hadlwi tei uáisa hadlwi kha phina swkang tei Kaitor rwmani phola bini thani kiphilwi thángna swkang.

PHRWNGNAINI 2:14

Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 3:20

Bebakno kwrẃngsa’-ono ma thángo; bebakno hadlwini snamjakmani bebakno hadlwino kha phiro.

PHRWNGNAINI 6:3

Borok khoroksani bwsa khoroksara phano wngwi mano tei bisi kolokma romwi phano thangwi mano; tamo khe bo nokha bisi kwbángma romwi thang phano tumung bo kwthang tong phuru bwkha kochomwi tongthok lang ya khe eba simalwng kaham man ya khe, aboni slái achai drobo thwima se ham kugo hwnwi ang ma sa-o.

PHRWNGNAINI 6:5

bo salbo nuk lang ya tei mungsano phano si lang ya; hai phano bo a borokni slái lenglamung man kugo.

PHRWNGNAINI 7:2

Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 9:2

tamni hwn ba jotoni manthai le baksa se; bo borok kaham hwn thung hamya hwn thung, kwthar hwn thung eba kwthar ya hwn thung, yapharnairok wng thung yaphar yarok phano wng thung. Borok hamyarok man tẃi’-no borok kahamrokbo mannai; swmai tangnairokbo tei swmai tangna kirinarokbo abono mannai.

JISAIA 65:20

Aroni kwlwi bwsa khoroksa phano thwi glak eba khe khoroksa swk borok chakra umor pung súk yaui thwi glak; khoroksa swk nokha bisi sa ra-o thwi phano bo sikla kho hwnwi se hwnjaknai; nokha bisi ra umor kána swkang thwinairokno khe swraimung nangjak hwnwi hwnjaknai.

JISAIA 65:22

Bórok nok tang khe tei kubunni borok aro tong phai glak; bórok kái khe tei kubunni borok chá glak; ani bororokni umor buphangrokni bai baksa wngnai tei ani chongjak bororok bisi dwgwi bórokni yak baithang samung tangmani bwthái ma chá anw.

JIRIMIA 17:6

Bórok hasinglwngni sam bwlwng hai, yókma salno bórok nuk glak. Bórok hasinglwngni kutung tei kwran hapharrogo tei borok kwrwini kwprap hapharo tong anw.

HIBRU 9:27

Uáisa le joto borokno ma thwithai, aboni ulo Kaitor bai buj thumjaknai.