PHRWNGNAINI 6:3 - Kok Borok (Re-edited) Bible (BSI)

³ Borok khoroksani bwsa khoroksara phano wngwi mano tei bisi kolokma romwi phano thangwi mano; tamo khe bo nokha bisi kwbángma romwi thang phano tumung bo kwthang tong phuru bwkha kochomwi tongthok lang ya khe eba simalwng kaham man ya khe, aboni slái achai drobo thwima se ham kugo hwnwi ang ma sa-o.

PHRWNGNAINI 6:3 Iomraidhean Croise

YAPHANG 33:5

Esau yang yang naiwi nai khe bwrwirokno tei chwrairokno nuk khe hai hwnwi sẃng kha, “Nwng bai baksa o borokrok sabo wng bai kha?” Jakob hai hwnwi sa kha, “Bórok khe, Kaitor khairogwi nini o selengno rwmani bwsarok se.”

YAPHANG 47:9

Jakob Pharaono hai hwnwi sa kha, “Ang beraiwi kitingwi tongmani khe tabuk nokha bisi sarathamchi ká kha. A lái thángma bisirok khe báng ya tamo khe tong kesep se báng kugo. Ani tei chuchusongrokni bórokni beraiwi kitingwi thangsungo tong langma swk báng ya.”

2 HABUGRA 10:1

Tabuk Ahabni bwsla khorok snichi Samaria kamiyungo tongo. Hakhe Jehu Samariani bisingni kamiyungni tẃiphangrokni thani, okrarokni thani tei Ahabni bwslasongrokni chakrarokni thani kóktun swihorwi hai hwnwi sa hor kha,

2 HABUGRA 9:35

Bórok bono phobnani tháng bai khe bokhorok chárá, yakung tei yapharokno karwi tei mungsa nuk lai li ya.

1 BOSONG 28:5

Subraiyung ano bwsa kwbángma rw kha, bórokni bisingo Subraiyung Israilni saka-o habugra chánani bagwi ani sajla Solomonno chong kha.

2 BOSONG 11:21

Rehoboam bini bebak hik tei hik kotoirokni bisingo Absalomni bwsajwk Makano hamjak kugo, bo khorok 18 hik tei khorok 60 hik kotoi na kha tei bórok khorok 60 sajwk khorok 28 sajla man kha.

ESTER 5:11

Tei Haman bórokni thani bini rang-rí chẃngsachani tei bwsa kwbángmani kók tei bugra bahai khe bono samungo kotor rw kha tei bubo hai khe bono samungni tẃiphang bai bugrani bebak selengrokni slái kaham kuk achukthai rw kha, abórok bebak bórokno saui khna rw kha.

ESTER 7:10

“Bono aro’-no kotok sor rw di,” hwnwi habugra sa kha. Hakhe Mordekaino kotok soro rwui butharna hwnwi snammani arono Hamanno kotok soro rw kha. Aphuru khe habugrani thamchi holi kha.

JOBNI BIJAP 3:11

“Achai phuruno, oksingni achai phai phuruno ang ba tamo thwi ya wng lang?”

JOBNI BIJAP 3:16

Eba khe ang ba tamo achai yaui chokhrainai hai sal-tal nuk lang yaui pái tháng ya wng lang?

LOBMUNG 58:8

Bórok sikambuk harpego kwlwgwi kwmama hai khe kwma lang thung; bohogo’-no chokhrainai sal nuk lang ya absa hai wng thung.

PHRWNGMUNG 17:6

Sukba-sabarok wng kha chakrarokni motok tei ma-pha khe bwsarokni mwkhang chẃngjaknai.

PHRWNGNAINI 4:3

o kwnwini slái khe tabuk phano o ha saka-o achaiwi samung hamyarokno nuk ya kho bórok se ham kugo.

PHRWNGNAINI 6:4

A chwrai kwrwi kwrwino achaiwi mwnakma-o thángwi pái-o tei mwnakma bai’-no bini mung kholopjagwi pái-o;

JIRIMIA 22:19

Bo koraichirka bai baksa khe phobjak anw. Bono sopreui Jerusalemni duglamni phataro khibiui rohorjak anw.

JIRIMIA 36:30

Aboni bagwi Judani habugra Jehoiakimno Subraiyung hai hwnwi sa-o; Daudni achukthayungo achukna bagwi bini borok khoroksa phano tong glak tei bini mang kwthwi hwn khe phataro khibiui rohorjak anw tei salo hwn khe abo satung tei horo hwn khe kwchango klai tong anw.

JIRIMIA 8:2

bórok bórokni hamjakmani tei monmani tei rwkthar laimani bórok kaham hamya sẃng laimani tei khulum laimani a nokhani sal-tal tei bebak athukirirokni bwskango pháng-pháng khe phehelwi tonjaknai. Abórok thubo thumjak glak tei phobo phobjak glak, manwi hamya rúng tẃi khe ha-o burung wngwi tongnai.

MATHAI 26:24

Elembago sama hai’-no Borokni Sajla ma thwinai, Tamo khe Borokni Sajlano rom rwnai a borok bwswk se hamya sitrano! Achai ya khe se bo ham kuk kha mun!”