PHRWNGNAINI 6:12 - Kok Borok (Re-edited) Bible (BSI)

¹² Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 6:12 Iomraidhean Croise

1 BOSONG 29:15

Bebak chini chuchusong hai khe chwngbo nini bwskango buini hani nograi hai se, o ha saka-o chwng sampili hai tei daktino kwmaui thángnai.

JOBNI BIJAP 14:2

khum bar tẃi khe barwi hoichaui thángo, sampili kwma tẃi khe páiwi thángo.

JOBNI BIJAP 14:21

Bini bwsarok bórijago, hai phano bórok abono saui man ya; bórok lachimasingcha khlaijaknai tamo khe bórok abono romwi man glak.

JOBNI BIJAP 8:9

Chini langma le belaino bara, chwng mungsabo si ya, o ha saka-o chini salrok sampili hai se.

LOBMUNG 102:11

Ani langma le sanjani sampili hai wng kha; ang samrok hai ransaui tháng kha.

LOBMUNG 109:23

Sarikni sampili hai khe ang kwmaui thángo; ang kuksarok hai khe yang yang béngjago.

LOBMUNG 144:4

Bórok ba rangma simi se; bini umor kutulwi thángnai sampili hai.

LOBMUNG 16:5

Subraiyung se ani saijak banta ani nungmungni khuri; nwng’-no ani talikhano romwi tonnaisa.

LOBMUNG 17:15

Ang khe derama kwrwi khe nini mwkhangno nainai; ang sicha khe nini mwkhang naisigwi bwkha kochomnai. Rwchapmung tẃithernaini bagwi Daudni rwchapmung. Subraiyungni seleng bono Solni yakni tei bono kebengnai arirokni yakni phiyók phuru Subraiyungno lobwi rwchapmani

LOBMUNG 4:6

Borok kwbángmano hai hwnwi sa lai-o, “Chwng mungsa swk kahamno nuk khe ham kha mun! O Subraiyung, nini mwkhangni pohor chini thani chẃng si thung!”

LOBMUNG 47:4

Bo chini bagwi manthai chongwi tono, abo bo hamjakmani borok Jakobni kung chukmung. Sela

LOBMUNG 89:47

Jora bwswk se kisicha, omono muitu khlai ja di tamni hwn ba chúkma kwrwi khe nwng borokno snam kha!

PHRWNGNAINI 10:14

hai phano butua khe khúk thak ya kók sa máng tongo. Tamo wngnai wng ya khoroksa phano saui mannai kwrwi, thinango tamo wngo khoroksa swkno sabo saui rwui mannai?

PHRWNGNAINI 12:13

Tabuk le bebakno khna bái laha; tamo khe kók páithak khe omo se, Kaitorno bórom khlaiwi kiriui tei bini dagima khnama bising tẃi se borokni bebak khlaithai khlaijago.

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 2:3

Ang kwkwrwk-kwthang twtwi angur bwtwi nungwi sakno tungphla rw kha tei butua tong tẃi khe tongwi sakno tongthok rwna nai kha. O ha saka-o borokni langma le salnwi salthamni bagwi se ba, aboni bagwi siyan gwnang khe tongma de, eba butua khe tongma de kaham, abono sina nai kha.

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 6:11

Kók báng khe chúk ya wngmabo bángo, hakhe borokni bagwi bubo kaham?

PHRWNGNAINI 7:15

Ang ani o mungsa chúk ya thangsungo bebak nuk kha; khoroksa borok kaham bini kahamno tẃiwi thwi-o, phiya tei khoroksa samung hamya tangnai borok hamya khe umor kolok khe thangwi tongo.

PHRWNGNAINI 8:13

tamo khe Kaitorno kiriyarokni le kaham wng glak, phiya bórokni langmabo sampili hai khe dakti’-no kwmaui páinai, tamni hwn ba bórok Kaitorno kiriui bórom khlai ya.

PHRWNGNAINI 8:7

Au, tamo wngna naiwi tong kha abono bórok si ya, abo bahai khe wngnai abono bórokno sabo sanai?

PHRWNGNAINI 9:6

Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

PHRWNGNAINI 9:9

O ha saka-o Kaitor nono thwiblang ayuk rwmano nini hamjakmani hik bai khe tongwi tong di, tamni hwn ba o ha saka-o nini langma-o kolomtwi khiklaiwi samung tangmani le omono manthai.

MIKA 6:8

O borok, bubo khe kaham abo bo nono phunuk kha; Subraiyung nono bujsói gwnang samung tangnani, khairokmungno hamjaknani tei koinene khlaiwi nini Kaitorni kók khnaui tongnano nai ya diba?

JAKOB 4:14

Norok khwna bahai khe tongno abo suda norok saui man ya. Norok wng kha siyari hai, abo srapsani bagwi nukjago, phiya srapsani bisingo’-no kwma-o.