PHRWNGNAINI 6:11 - Kok Borok (Re-edited) Bible (BSI)

¹¹ Kók báng khe chúk ya wngmabo bángo, hakhe borokni bagwi bubo kaham?

PHRWNGNAINI 6:11 Iomraidhean Croise

LOBMUNG 73:6

Aboni bagwi kung chukma bórokni kotogo kanma bwtang wngo; uálai-suk lai khe kanmung-chummung hai khe bólwi tongo.

PHRWNGNAINI 2:15

Hakhe ang sak-sak hai hwnwi sa kha, “Angbo a butua manjak tẃi’-no manjaknai; hakhe ang sinai wngwi le tamo manna tong ba?” hakhe omobo chúk ya hwnwi ang sa kha.

PHRWNGNAINI 3:19

Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 4:16

swkango o borokni kwbángma borok tongmani tei bo bórokni habugra wngwi tongmani tamo khe ulni bororok khe bono bwkha phurjak li ya. Omobo chúk ya, nokbarno riphrikma hai.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 5:7

Uansukma báng khe, kók nang ya bángsa-o; tamo khe nwng Kaitorno se kiri di.

PHRWNGNAINI 6:10

Bebak wngmarok bebakno swkango’-no chongjak tei borok, bo tamo-tamo ya abo swkango’-no saui manjak, bo bini slái khoroksa kwrak bai kók tan laiwi man ya.

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

HOSEA 12:1

Ephraim nokbarno se mwrwgo tei sapung salkabaini nokbarno riphrigo; bórok sal brúm brúm tatal tei ur patimung báng rw-o; bórok Asiriyasong bai kók kha lai-o tei Ijibo thok tlango.