PHRWNGNAINI 5:9 - Kok Borok (Re-edited) Bible (BSI)

⁹ Tamo khe kheto panthor khlaijaknairokno karwi, rwui tonna bagwi khoroksa habugra tongmani kaham.

PHRWNGNAINI 5:9 Iomraidhean Croise

LOBMUNG 115:16

Chuknoha abo Subraiyungni chuknoha, tamo khe bo hano bororokno rw kha.

PHRWNGMUNG 13:23

Bigrarokni bari-o mai kwbángma wngwi mano, tamo khe buj tẃi yani bagwi abo sekprojago.

PHRWNGMUNG 28:19

Sakni bari-okthai-o samung tangnai borokni chámung biyal wng glak, tamo khe betha yarokni utung-utung wngnairok khe katswi biyal wngnai.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 5:10

Rang hamjaknaisa bo rang bai bwkha kochom glak; tei rang-rí hamjaknai bo haino man phano bwkha kochomjak glak. Abobo haino mungsa chúk ya.

PHRWNGNAINI 5:8

Nwng nini angkorni kwrẃngsa swgo bigrarokno sátokjakma nuk khe tei bujsói khlaijak ya wngma nuk khe ta kwmamsa di; tamni hwn ba khoroksa tẃiphangni saka-o tei khoroksa kotorsa tongo tei bórok khoroknwini saka-o teibo kotor kotor tangphangrok tongo.

PHRWNGNAINI 6:7

Borok chámungni bagwi se samung ma tango, ahai phano bo ok khuima hamya.