PHRWNGNAINI 5:8 - Kok Borok (Re-edited) Bible (BSI)

⁸ Nwng nini angkorni kwrẃngsa swgo bigrarokno sátokjakma nuk khe tei bujsói khlaijak ya wngma nuk khe ta kwmamsa di; tamni hwn ba khoroksa tẃiphangni saka-o tei khoroksa kotorsa tongo tei bórok khoroknwini saka-o teibo kotor kotor tangphangrok tongo.

PHRWNGNAINI 5:8 Iomraidhean Croise

2 BOSONG 26:10

Bo hasing panthorobo nok kuchuk tang kha tei kwbángma twikhorrok khur kha, tamni hwn ba bini Sephela-o tei ha panthoro kwbángma merarok tongo, hathái-o tei ha kaham jidolo bini tangnairok tei angur bari tangnairok tong bai-o, tamni hwn ba bo’-bo haino tangwi chána belai hamjago.

JOBNI BIJAP 24:23

Bo bórokno kirina kwrwi khe kati rwui tono, tei chubaui tongo; Kaitor bórokno nai khlai máng tongo.

LOBMUNG 12:5

“Kwrwirok kusupjak kha, bigrarok kengaimani, ang tabuk bachanai” hwnwi Subraiyung sa-o; “Ang bórokno bórok kirina kwrwi tongthai-o tongna khatung thani tonnai.”

LOBMUNG 55:9

Ubrum jabrum khlai di, o Subraiyung bórokni kókno ubrum-jabrum khlai rw di; tamni hwn ba ang kamiyungo ur pati laima bai uálaima nuk kha.

LOBMUNG 82:1

Kaitorni bini kuthumma-o bachajak; phankrakrokni bisingo bo buj thumo:

LOBMUNG 83:18

Nini mung simi se Subraiyung, o ha sakani Kuchuk kuksa hwnwi bórok saui man thung. Kurani bwsarokni rwchapmung

LOBMUNG 95:3

Tamoni hwn ba Subraiyung khe Kaitor kotor, tei bebak mwtairokni slái kotor bugra.

PHRWNGMUNG 22:16

Gwnang wngna bagwi bigrarokno sátoknai tei gwnangrokno rwnai bórokni biyal wngnai.

PHRWNGMUNG 24:12

tumungno nwng, “Nai di chwng omono si ya,” hwnwi sa khe bwkhano naichomwi nainaisa abono nai glak diba? Nono mwthangwi tonnaisa abono si glak diba? Bo samungno naiwi jotonono aboni manthaino rw glak diba?

PHRWNGMUNG 8:17

Ano hamjaknairokno angbo hamjago, khá bai naituknairok khe ano mano.

PHRWNGNAINI 3:16

O ha saka-o omobo nuk kha, bujsói tei sutrang wng thani suda se bujsói tei sutrang kwrwi wngo.

PHRWNGNAINI 4:1

O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

PHRWNGNAINI 5:9

Tamo khe kheto panthor khlaijaknairokno karwi, rwui tonna bagwi khoroksa habugra tongmani kaham.

PHRWNGNAINI 7:7

Siyan gwnangsa sátok-pitok khlai khe bo butua se wngo tei rang cháma khe bwkhano hamya khlai-o.

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.

JISAIA 10:12

Subraiyung Siyon hathái-o tei Jerusalemo bini bebak samungrok pái súk khe ulo bo Asiriyani habugrani kung chugui kók kotor samani tei bini bwkha-o khámaimarokni bagwi majra rwnai.

JISAIA 3:15

Norok tamni bagwi ani bororokni bokhorok sukhrubwi tong tei bigrarokno kádul lai tong? hwnwi Subraiyung sengkrakrokni Kaitor sa-o.

JISAIA 37:36

Aboni ulo Subraiyungni suari swkang thángsogwi Asiriyani sengkrakrokni bathamni khorok sara tei charchibarokno butharwi kha; bororok aichugo bachaui bebak mang kwthwi klaijak nuk kha.

JISAIA 5:7

Tamni hwn khe, Israil dopha wng kha sengkrakrokni Subraiyungni angur bwlwng; Tei Juda hani bororok wng kha, bo káimani angur buphangrok. Bo bórokno bujsói tẃi thung hwnwi naimani, hai wng yaui bórok borok se buthar si-o. Bo bórokno samung sói khlai thung hwnwi naimani, phiya ba bórok bai sátokjaknairok bujsóini bagwi se ma chirik lai si-o.

JISAIA 57:15

Tamo khe kuchuk tei bochlongo tongnaisa, mol brúm brúmno tong nai, bini bumung wng kha, Kwthar bo o kók sa-o: “Ang kuchugo tei kwthar tongthai-o tongo tei bwkha kwbai, koinene bororok bai bo tongo tei koinene bororokni pholano thangcha rwnani bagwi tei bwkha kwbairokni bwkhano thangcha rwnani bagwi sa-o.

ESEKIEL 18:18

Tamo khe bini bupha sak sakni sumsokni bagwi ma thwinai, tamni hwn khe bo buino sikiri-sokoro khe rang na kha, bini takhukni’-no khok kha, bini bororokni bisingo cha ya hwnmani samungno khlai kha; bini sumsokni bagwino bo ma thwinai.

AMOS 5:12

Tamni hwn ba norokni sumsok bwswk kwbáng tei bwswk samung cha ya khlai kha ang saui mano! Norok borok kahamrokno hanang-pinang khlai-o tei rang chá lai-o; duglamo bigrarokno sak nang ya khlai-o.

AMOS 6:12

Korairok holongthai saka-o da khabrum ba? Khoroksa phano musuk bai twijlango al de chuai ba? Tamo khe nwng bujsóino khe bis hai khlai kha tei kahamno khe kwkha khlai kha.

MIKA 2:9

Norok ani bororokni bwrwi bwsarokno bórokni hamjakma nokrokni rwkhlai-o; tei nwng bórokni chwrai bwsarokni aroni ani chẃngsachano mol brúmni bagwi twlangwi pái-o.

SAKARIA 8:6

Kwplaisa Subraiyung hai hwnwi sa-o: Tong rwknairokni thani a jora abo wngwi manthothok ya wng phano, abo ani bagwi wngwi man glak diba? Hwnwi phan gwnang Subraiyung Kaitor sa-o.

MALAKI 3:5

“Aphuru khe ang norokni thani bujsóini bagwi sedernai; tei ang danda-baji phunuknairok, buitali-buitala wngnairok, tatal sakki rwnai tei mula tangnairokno bandinairokno, randijwkmarokno, ma-pha kwrwirokno, buini hani bororokno kusupnai tei ano bórom khlai yarokno ang bórok bebakno kebengwi bachaui kók sanani kodo wngnai hwnwi Subraiyung Kaitor sa-o.

LUK SWIMANI KOTHOMA KAHAM 1:32

Bo kotor wng anw tei Kaitor Kotorni Sajla hwnjak anw tei Subrai Kaitor bono bini bosong Daudni achukthayungno bono rw anw.

LUK SWIMANI KOTHOMA KAHAM 1:35

Suari hai hwnwi sa kha, “Phola Kwthar nono kobol phai anw, hakhe Kaitor Kotorni phan nono kobol phai anw; aboni bagwi a chwrai kwthar; bo Kaitorni Sajla hwnjak anw.

LUK SWIMANI KOTHOMA KAHAM 1:76

Chwlasa, nwng Kaitor Kotorni diyari hwnjak anw; tamni hwn ba Subraini lama snamna bagwi nwng swkang baira tháng anw;

SAMUNG 12:23

Achomsa Subraini suari Herodno kosonwi khiklai kha, tamni hwn ba bo Kaitorno sak nang ya. Bo yóng klaiwi thwi kha.

RUMSONGNO POL SWIHORMANI 11:33

Kaitor bwswk se maya gwnang! Bo bwswk se si, bwswk se elem gwnang! Bo khá chapmano romwi mannai sabo tong? Bini samungno saui mannai sabo tong?

JAKOB 2:13

Buj thum phuru Kaitor maya kwrwi borokno maya chá glak; tamo khe maya chánai borok buj thumjak phano yóknai.

1 PITOR 4:12

Khájani takhukrok, tabuk norok belai khe sátokjagwi potalijagwi tongmani abo wng thotok se wng ya bla hwnwi ta hwn di.

1 JOHON 3:13

Takhukrok, tumung o swngcharni bororok norokno naisler khe norok ta uana di.