PHRWNGNAINI 5:6 - Kok Borok (Re-edited) Bible (BSI)

⁶ Nini búkhúk nono sumsogo ta khiklai thung, kók tun phainaino omo cha ya wng kha hwnwi ta sa di; nini kókno tẃiwi Kaitor tamni jolijagwi nini yakni samungno sokomornai?

PHRWNGNAINI 5:6 Iomraidhean Croise

YAPHANG 48:16

ano bebak hamyani kati rwnai, a Suari o chwrairokno hamari rw thung; bórokni bising tẃi ani mung tei ani aphasong Abraham tei Jakobni mung sinijak thung; tei bórok o ha saka-o bwsa kwbángma manẃi er thung.”

PHRWNGMUNG 23:17

Sumsok gwnangrokno nwng ta músú di, tamo khe Subraiyungno se kiri máng tong di.

PHRWNGNAINI 10:12

Siyan gwnangni búkhúkni kókrok le bui bai kaham hwnjago, tamo khe butuani kók le bono so se sokomoro.

PHRWNGNAINI 3:14

Ang saui mano Kaitor khlaimani abo mol brúmno tong phlainai; aro tei mungsa swk dauibo man ya kháiklaiwibo man ya; jotono bono bórom khlaiwi kiri thung hwnwi se Kaitor omono khlai-o.

LEBI 4:2

“Israil bororokno sa di, tumungno khoroksa swk si yaui sumsok khlai khe, Subraiyung ta khlai di hwnwi dagimano khlai khe,

LEBI 4:22

“Khoroksa tẃiphang siyaui sumsok khlai khe Subraiyung ta khlai di hwnmano khlaiwi majra tubu khe,

MALAKI 2:7

Tamni hwn ba ochairok khe Kaitorni sói phrwngmungno phrwngthai, phiya lukurok khe bini thani phrwngmung manna bagwi tháng thai, tamni hwn ba bo wng kha Phankrak Subraiyungni tẃitun.

MALAKI 3:1

“Nai di, ang ani tẃitunno lama snamna bagwi ani slái swkang rohor anw tei nwng naitukmani a Subraiyung achomsa khe bini noktharo phainai. Nwng bwkha phurjakmani a swmaini tẃitun phaiwi tongo, hwnwi Phankrak Subraiyung sa-o.

LEKHAMUNG 15:25

Tei ochai bebak Israil bororokni bagwi ma súchanai, aswk khlai khe bórok nakarjak bainai, tamni hwn ba omo kaisa korómani se, bórok súchajakmani bagwi yapharmung, Subraiyungni thani-o hór bai khe, bórokni sumsokni bagwi ma yaphar kha.

1 KORINTH 11:10

Aboni bagwi’-no suarirokni bagwi bwsaino bokhorok hwnwi phunukna bagwi bwrwirok bokhorok rí hungthai.

1 TIMOTHI 5:21

Nwng mungsa khá ka yaui mwkhang nai yaui o kókrokno khna di hwnwi ang nono Kaitorni bwskango, Khristo Jisuni bwskango tei suari kwtharrokni bwskango kwrak khe sa-o.

HIBRU 1:14

Hakhe suarirok le tamo sla? Bórok wng kha Kaitorni samung khlainai pholarok máng se, mwthangjaknairokno chubana bagwi bórok bo bai rohorjago.

JAKOB 1:26

Khoroksa swk “Ang Kaitorno surinai borok,” da hwn? Bo kók narwgwi sa ya hwn khe bo Kaitorno surimani abo mungsa buya, bo lama koró-o.

JAKOB 3:2

Chwng joto’-no cha ya khlai khlai-o. Kók sa thani uáisa phano kók cha ya sa ya borok bo wng kha kaham, bo bini bebak saknobo kók khna rwui mano.

2 JOHON 1:8

Hakhe norok hus wng bai di, hakhe norok manna hwnwi tangmani abono keple yaui man sukna tẃi khe hus wng bai di.