PHRWNGNAINI 5:13 - Kok Borok (Re-edited) Bible (BSI)

¹³ Ang o ha saka-o mungsa belai derajak nuk kha: gwnangrok khatiui narwkmani rangrok khatinaini hamya se khlai-o,

PHRWNGNAINI 5:13 Iomraidhean Croise

YAPHANG 14:16

Hakhe tlangwi thángjakmani manwirok kiphilwi na phi kha tei bo bini takhukni bwsla Lotno tei bini manwirokno, bwrwirokno tei bebak borokrokno kiphilwi tubu kha.

YAPHANG 19:14

Hakhe Lot bini sajwksongno káijakna bagwi kók kha laijak chamarirokno thángwi hai hwnwi saui kha, “Do di! O kamiyungni nongkhor lai di; Subraiyung o kamiyungno sokomornani naiwi tong kha.” Tamo khe bwchamarisong bórokno hai’-no kara thwngwi se sa khna hwnwi uansuk lai tong kha.

YAPHANG 19:26

Phiya Lotni uklogo tongnai bihik uklogo uphilwi nahar kha tei bo sómni thongla chaui tháng kha.

JOBNI BIJAP 20:20

“Bórokni ok khuimarok pái phlai ya; bórokni khámaima mungsano phano narwk ya.

PHRWNGMUNG 1:19

Omo tẃi khe khámaiwi manna muchungnairok le hai kheno páinai; abono mannairok abo bai gaija rwui páijaknai.

PHRWNGMUNG 1:32

Aboni bagwi butuarok lama cha ya-o thángma bagwi bórok thwinani ma nangnai tei uansukna rwng yarokni uansukmungrok bórokno sokomornai;

PHRWNGMUNG 11:4

Rang-rírok nini jora hamya phuru-o mungsa chúk ya, tamo khe sói khe tongma ma thwinani yakni phiyógo.

PHRWNGMUNG 23:4

Rang-ríni bagwi aswk kolomtwi ta khiklai di; abo hai wng ya wngna bagwi nangma swk siyan gwnang wng di.

PHRWNGMUNG 27:24

tamni hwn ba rang-rírok le tong phlainai ya, bugrani motokbo kusung kusung bosong mareui tong phlainai ya.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 5:14

tei a rang-rírok hamya patima-o klaiwi páiwi thángo; bo bini bwslano rwna bagwi mungsa kwrwi wngo.

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.

JISAIA 2:20

A salo bororok surinani bagwi takmani rukphaini mwtai tei rangchakni mwtairokno bebak sinjokungdrung tei tokbakrokni thani khitar bai anw.

JAPHANIA 1:18

A salo bórok rangchak hwn di rukphairok hwn di Subraiyungni jolimani aroni mungsa phano phiyógwi man glak; bini bwkhani jolimani bai o hayung bebakno khamwi tháng báinai, tamni hwn ba o ha saka-o tongnairokno bo achomsa pái rwui páinai.

LUK SWIMANI KOTHOMA KAHAM 16:19

“Gwnang khoroksa tongmani. Bo rí-chum jilik jalak kano, sal brúm brúm tongthok cháthok khe tongo.

LUK SWIMANI KOTHOMA KAHAM 19:8

Yang khe Sakai bachaui Subraino hai hwnwi sa kha, “Hodasa, nai di, ang joto tongmani aboni bere khaksa ang kwrwirokno rw anw. Ang khoroksa swkno phemlokma tong khe tei uáibrwi bono su phir anw.”