PHRWNGNAINI 5:10 - Kok Borok (Re-edited) Bible (BSI)

¹⁰ Rang hamjaknaisa bo rang bai bwkha kochom glak; tei rang-rí hamjaknai bo haino man phano bwkha kochomjak glak. Abobo haino mungsa chúk ya.

PHRWNGNAINI 5:10 Iomraidhean Croise

LOBMUNG 52:1

O phan gwnang borok, borok kahamno kebengwi samung hamya khlaiwi nwng tamoni kung chuk? Sapung nwng

LOBMUNG 52:7

“Nai di, Kaitorni tongthai na ya borokno, tamo khe rang-rírogo bwkha beranai tei rang-rí-o tongthai nanaisano!”

LOBMUNG 62:10

Buini sekproui hamna chanano ta khatung di, abo tẃi khe buino segwi gwnang wngnani ta khatung di; tumung nwng rang-rí bángsaui phai khe aro bwkha ta bera di.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 1:8

Bebakno kiting kitingwi phai-o, lengjak ya; abono sana bagwi khugo kók se kwrwi, mokol le nugwi tong phano teibo nukna muchungjago, khunjubo khna phano teibo khnanani muchungjago.

PHRWNGNAINI 2:10

Ani mokol bai naiwi muchung tẃi’-no ang khlai kha; ani bwkha tongthok tẃi’-no ang tong rw kha; ang kolomtwi khiklai tangma-o ani bwkha tongthogo, omono ani tangmani manthai.

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 2:26

Tamni hwn ba Kaitorno bwkha ham rwnairokno, bo siyan tei rwngmungrok rw-o; tamo khe sumsok gwnangrokno khe Kaitorno bwkha phur rwnairokno rwna bagwi bo rang-rí aji rw-o. Omobo chúk ya, nokbarno riphrik tẃi se.

PHRWNGNAINI 3:19

Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 4:16

swkango o borokni kwbángma borok tongmani tei bo bórokni habugra wngwi tongmani tamo khe ulni bororok khe bono bwkha phurjak li ya. Omobo chúk ya, nokbarno riphrikma hai.

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 5:9

Tamo khe kheto panthor khlaijaknairokno karwi, rwui tonna bagwi khoroksa habugra tongmani kaham.

PHRWNGNAINI 6:7

Borok chámungni bagwi se samung ma tango, ahai phano bo ok khuima hamya.

MATHAI 6:19

“Norok o swngcharo rang-rí ta khati di, oro kurumabo khunti-o, sorbo khi-o, sikhokbo habwi khogo.

MATHAI 6:24

“Khoroksa phano nokphang khoroknwini seleng wngwi man ya; bo khoroksano naisler khe tei khoroksano hamjaknai, eba khe khoroksano khá súk khe tei khoroksano samung nangjak glak. Nwng Kaitorni seleng twtwi rang-ríni seleng wngwi man ya.

LUK SWIMANI KOTHOMA KAHAM 12:15

Hakhe bo lukuno hai hwnwi sa kha, “Sichaui tong di, podrepot khámaimungrok bai hus khe tong di; tamni hwn khe gwnang phano wng thung rang-rí bai simi borok kaham khe tongwi man ya.”

1 TIMOTHI 6:10

Rangno belai mokol chẃngmani abo wng kha bebak hamyani yaphang. Baksa baksa belai rang manna muchungwi poito khibiui tháng bai kha, hakhe podrepot khe khá hamya wngwi khá thwijak bai kha.