PHRWNGNAINI 5:1 - Kok Borok (Re-edited) Bible (BSI)

¹ Kaitorni nogo tháng phuru khe nwng nini yaprino kaham khe nai di; butuasa ratharwi yapharmani slái kaham khe khnana bagwi sederwi thángma se ham kugo; tamni hwn ba bórok bahai khe samung hamya khlai yaui tongnai abono si ya.

PHRWNGNAINI 5:1 Iomraidhean Croise

2 BOSONG 26:16

Hwn ba Ujia phan wng khe kung chuk kha; abo baino bo komor kha. Subraiyungni nokthar bisingo habwi satrai sókmani háyá-o satrai sógwi Subraiyung bini Kaitorni mungno dera rw kha.

JOBNI BIJAP 11:2

“Aswk kók kwbángma sẃngjakmani abo uphilwi sajak ya de tongnai, tei kók kwbángma sama bai borok kaham khoroksa hwnwi de romjakno?

JOBNI BIJAP 22:12

“Kaitor ba nokharokni saka kuchugo tong ya de? athukirirokno naiwi nai di abórok bwswk se kuchugo!

LOBMUNG 89:7

Kaitorno kirinairokni bodol kwtharrokni motha-o, bini yang ayang tongnairokni slái kotor tei kirimasingcha bo hai sabo tong?

LAM RWMA 3:5

Hakhe Kaitor hai hwnwi sa kha “Samo ta phai di; nini yakungni yaklap sokok di, nwng bachaui tongma a ha wng kha kwthar.”

LAM RWMA 30:18

“Nwng pitol bai khe dangai kaisa snam di, abo wng kha súnani bagwi, abono rínok bai háyáni kwcharo khe ma beranai, aro twi lukhlai ton di.

PHRWNGMUNG 10:19

Kók kwbángma wngma-o aro cha ya kwrwi wng ya, tamo khe siyan kwrwngrok khe kók sa tha yaui tongo.

PHRWNGMUNG 15:8

Borok hamyarok ratharwi barokmano Subraiyung selengjago, phiya, borok kahamrok surimano khe bwkha phurjago.

PHRWNGMUNG 21:27

Borok hamyasa ratharwi yapharma le selengmasingcha se; bwkha sitra khlaiwi abono tubu khe abo teibo naislermasingcha.

JISAIA 66:3

“Musuk ratharnai borok bo borok butharnai bai baksa; mera bwsano ratharnai borok bo, sẃini totra mukhrubwi swbainai bai baksa; bwthái bwchlwi yapharnai borok bo, uakni thẃi yapharma bai baksa; ano muitu khe satrai motom sóknai borok, bo takjak mwtaino hamari rw-o; omorok bórok sak sakni saiwi na kha; tei bórok sak sakni selengmasingcha manwirok bai’-no bwkha tongthogwi tongo;

LEBI 10:3

Aphuru Musi Aronno hai hwnwi sa kha, “Omo’-no Subraiyung samani, ‘Ani gana-o tongnairokno ang sakno kwthar khe phunuknai tei bebak borokrokni bwskango ang chẃngsacha khlaijaknai.’ ” Hakhe Aron aphuru siring siring khe tong kha.

SAMUNG 10:33

Aboni bagwino ang logi logi’-no nono na rw hor kha, hakhe nwng phai ja kha. Tabuk chwng bebak’-no Kaitorni bwskango, Subrai nono sa di hwnmarokno khnana hwnwi chwng naisingwi tongo.”

SAMUNG 17:11

Thesalonikini bororokni slái aroni bororok tei kisa bwkha sutrang gwja. Bórok belai ui-ui khe Kothoma Kaham khna kha, hakhe Pol samani abo kubui da naina bagwi sal brúm brúm Elembakno cherwi nai lai-o.

1 KORINTH 11:22

Chána nungna khe norokni sak sakni nok-huk kwrwi da? Norok ba Kaitorni mothano samung nang ya khlaima klai ya da? Kwrwirokno lachi rwma klai ya da? Aboni bagwi’-no ang norokno tamo sanai? Ang norokno kaham da hwnnai? I’nhi, ang norokno kaham hwn ya!

HIBRU 10:26

Chwng kubuino saui man baiwi tumungno sumsok khlaina hwnwi khlaiwi tong khe sumsok swkagwi mannai abo tẃi ratharmung kwrwi.

JAKOB 1:19

Ani khájani takhukrok o kókno si di. Jotono khna thani khunju kwkrwk wngthai, sa thani khe búkhúk hilik wngthai, doui joli thai kwrwi.

JOSUA 5:15

Subraiyungni sengkrak bokhorok Josuano hai hwnwi sa kha, “Nini yakungni yaklapno sokok di, tamni hwn ba nwng bachamani o ha le kwthar se.” Hakhe Josua sajakma haino khlai kha.