PHRWNGNAINI 4:8 - Kok Borok (Re-edited) Bible (BSI)

⁸ Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 4:8 Iomraidhean Croise

YAPHANG 2:18

Aphuru khe Subraiyung Kaitor hai hwnwi sa kha, “Borok saichung susuk khe tongmani hamya; ang bo bai mwchang rwui bono chubanai khoroksa snamnai.”

LOBMUNG 39:6

Kubui’-no bororok le sampili hai se kutulwi thángo. Kwrwi kwrwini se bo chiri-mokorok wngo; bórok rochong rwui rúng lai-o, tamo khe sabo ma cháno si ya.

LOBMUNG 39:7

“Subraiyung, tabuk ang tamono naisingwi tongnai? Nwng’-no ani khatungma.

PHRWNGMUNG 27:20

Morke bai kwthwini ha tei ok pungjak ya wngma hai’-no borokni mokolbo tei nai sini naiwi akaijak ya.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:8

Bebakno kiting kitingwi phai-o, lengjak ya; abono sana bagwi khugo kók se kwrwi, mokol le nugwi tong phano teibo nukna muchungjago, khunjubo khna phano teibo khnanani muchungjago.

PHRWNGNAINI 2:21

tamni hwn ba khoroksa borok sakni simung-rwngmung tei phan bai tangmani abono khoroksa aboni bagwi tangma kwrwi tei khoroksa borokno chána bagwi yakarwi ma klango. Omobo chúkya’-no tei belai khe habo hamya.

PHRWNGNAINI 2:23

Tamni hwn ba sal brúmno bo samungo dukhu tei tekto mano; horobo bini bwkha lenglamung man ya. Omobo mungsa chúk ya.

PHRWNGNAINI 4:7

O ha saka-o ang teibo chúk ya nuk kha:

PHRWNGNAINI 5:10

Rang hamjaknaisa bo rang bai bwkha kochom glak; tei rang-rí hamjaknai bo haino man phano bwkha kochomjak glak. Abobo haino mungsa chúk ya.

PHRWNGNAINI 5:9

Tamo khe kheto panthor khlaijaknairokno karwi, rwui tonna bagwi khoroksa habugra tongmani kaham.

JISAIA 5:8

Norok teibo nok báng rwnairok tei haphar báng rwnairokni saka-o bati yagwnwi nang thung. Aro daktino buini bagwi tongnani tongthai tong glak tei nwng saichung khe aro ma tong anw.

JISAIA 55:2

Tamni bagwi norok sói chámung yani bagwi ba rangrokno swbai, khá kochomma kwrwi abo tẃirokni bagwi, tamni phan khibiui samung tangwi tong? Khir khir khe ani kókno khna di; kaham kuk chámungno chá di. a chámung kaham cháui nini khá kochom rw di.

MATHAI 11:28

“Poja hilik tẃiwi lengjak bebak bororok ani thani phai di, ang norokno lengla rw anw.

LUK SWIMANI KOTHOMA KAHAM 12:20

Yang le Kaitor bono hai hwnwi sa kha, ‘Bepotarsa! Tini horo’-no nwng ma thwi anw. Aswk tisaui narwkma manwirok aphuru khe sabo mannai?’ ”

1 JOHON 2:16

tamni hwn ba o swngcharo tongmani bebak hamya muchungmarok, mokol bai nugwi manna muchungmarok, o swngcharni manwirokno tẃiwi kung chukmarok omorok bebak’-no Aphani aroni phaima ya, o swngcharni phaima se.