PHRWNGNAINI 4:10 - Kok Borok (Re-edited) Bible (BSI)

¹⁰ Tamni hwn ba tumung bórok klai khe khoroksa tei khoroksano tisaui mannai; tamo khe saichung susuk tongnai le khairok susuk, bo klai khe bono tei khoroksa sochanai kwrwi.

PHRWNGNAINI 4:10 Iomraidhean Croise

YAPHANG 4:8

Kain bini takhuk Abelno hai hwnwi sa kha, “Phai di hukba bwkhak tháng lai anw.” Hakhe hukba-o sógwi khe Kain bini takhuk Abelni bwkhak joliui bachasa kha tei buthar kha.

2 SAMUEL 11:27

Bo kapmani ham khe Daud borok rohorwi bono noyungo tubu-ui bini bihik snam kha tei bini khoroksa chwla bwsa wng kha. Tamo khe Subraiyung Daudni samungno chajak li ya.

2 SAMUEL 14:6

Hakhe nini o selengjwkni bwsarok takhuknwi tongo, hakhe bórok haba-o thángwi uálai lai kha, bórokno khoroksa phano swkaknaibo kwrwi hakhe khoroksa tei khoroksano swpragwi buthar lai kha.

LAM RWMA 32:21

Hakhe Musi Aronno hai hwnwi sa kha, “O bororok nono tamo khlai rwi ba, nwng bórokni saka-o aswk kotor sumsokno khiklai lang?”

PHRWNGNAINI 4:11

Abono karwi tumung khoroknwi thansa khe thu lai khe túng-túngbo wngo; tamo khe saichung susuk le bahai khe sakno túng-túng khlainai?

PHRWNGNAINI 4:9

Saichungni slái le khoroknwi se ham kugo, tamni hwn ba bórok bórokni samungni bagwi sokat kaham mannai.

GALATIA 6:1

Takhukrok, tumungno khoroksa swk samung hamya khlaiwi romjak khe norok kahamrok bono lama kahamno tubuthai klai-o; tamo khe norok abo kwchang kwchang khe ma khlaithai klai-o. Phiya nwng belokjak ya tẃi khe hus khe tong di.

1 THESALONIKI 4:18

Aboni bagwi o kókrok bai norok kiching norok khápang srang rw di.

1 THESALONIKI 5:11

Omoni bagwi’-no norok tabuk khlaiwi tongma hai’-no norok kiching norok khápang srang rw lai di, norok kiching norok khá rak rw lai di.

1 SAMUEL 23:16

Jonathan Horeso Daudni thani thángwi Kaitorni bising tẃi bwkha rak rw kha.