PHRWNGNAINI 4:1 - Kok Borok (Re-edited) Bible (BSI)

¹ O ha saka-o bebak sátok-pitok wngmaroknobo ang nuk kha, kusupjaknairokni muktwino naisik di, bórokno bwkha kwchang rwnai khoroksa phano kwrwi! Bórokno sátoknairokni phan kwbángma tongo.

PHRWNGNAINI 4:1 Iomraidhean Croise

JOBNI BIJAP 16:4

Tumung nwng ani sak slái-o wngma te angbo nwng sa tẃi kheno saui man kha mun; angbo pal khe kók manju-ui nono kebengwi saui man kha mun tei nono naisigwi bokhorok suku-suku khlai man kha mun.

JOBNI BIJAP 35:9

“Tamni hwn ba sátokjakma báng khe bororok chirik lai-o; bórok khoroksa swk phan gwnangni yakni yókna bagwi chirik lai-o.

JOBNI BIJAP 6:29

Wng kha, norok aswk hamya sa laimarokno mwthak lai si di, ano mungsa hamya ta sa si di, ang tabukbo sóino tong kho.

JOBNI BIJAP 9:24

Borok hamyani yago o hano rwjak kha; buj thumnairokni mokolno bo muthup kha, abo bo khlai ya khe sabo khlainai?

LOBMUNG 12:5

“Kwrwirok kusupjak kha, bigrarok kengaimani, ang tabuk bachanai” hwnwi Subraiyung sa-o; “Ang bórokno bórok kirina kwrwi tongthai-o tongna khatung thani tonnai.”

LOBMUNG 142:4

Ani yagra bwkhak naisigwi nai di khoroksa phano ano sinai kwrwi, ani tongthai kwma kha; ani bagwi uansuknai khoroksabo kwrwi kha.

LOBMUNG 142:5

O Subraiyung, ang nini thani kap kha; ang sa kha, nwng se ani kati rwjaknai, kwthangrokni ha-o ani man banta.

LOBMUNG 42:3

Ani muktwirok se hor sal ani chámung wng si-o, lukurok khe ano “Nini Kaitor buro?” hwnwi sẃng lai máng se tong lai si-o.

LOBMUNG 42:9

Ang ani holongthai Kaitorno hai hwnwi hwno, “Nwng tamoni ano pok lang? ano kebengnai arirok bai sátokjagwi ang tamoni kabwi tong sinai?”

LOBMUNG 69:20

Lachimung manẃi ani bwkha bái kha, hakhe ang bwkha thwi kha. Ang khairokma de manno nai kha, tamo khe khoroksa phano khairoknai kwrwi; ano bwkha kwchang rwnaibo khoroksa phano kwrwi kha.

LOBMUNG 69:21

Bórok ano chámung rw thani thwijaknai manwi rw kha, ang twi kang phuru khe ano kwkhwi-mecher nungna rw kha.

LOBMUNG 80:5

Nwng bórokno muktwini mai chá rw kha, tei kwbángmano muktwi khan kha.

LAM RWMA 1:16

“Norok Hibru bwrwirokno bá rw khe nai di tei abo bwsa chwla hwn khe achai kheno báma nogo’-no butharwi pái di tei bwrwi achai khe le narwk di.”

LAM RWMA 1:22

Hakhe Pharao bini bebak bororokno hai hwnwi dagi kha, “Hibrurokni núkhung mathenino chwla bwsa achai kheno norok Nil twima-o khiklaiwi rw di, tamo khe bwrwi bwsa achai khe le kwthang narwgwi ton di.”

PHRWNGMUNG 19:7

Bigrasani takhukrok se bono naislerjak khe, bikichingsong bo bai bwswk se hakchalo thángno? Bórokno ring phano khoroksa khna glak.

PHRWNGMUNG 28:3

Bigra tẃiphang twtwi bigrarokno sátoknai, bo wng kha mai-khulrok kochok rwui tlangnai uatwi hai.

PHRWNGMUNG 29:2

Borok kahamrok tẃiphang wngwi tong khe bororok tongthogo; tamo khe borok hamyarok tẃiphang hwn khe bororok kengai lai-o.

PHRWNGNAINI 3:16

O ha saka-o omobo nuk kha, bujsói tei sutrang wng thani suda se bujsói tei sutrang kwrwi wngo.

PHRWNGNAINI 5:8

Nwng nini angkorni kwrẃngsa swgo bigrarokno sátokjakma nuk khe tei bujsói khlaijak ya wngma nuk khe ta kwmamsa di; tamni hwn ba khoroksa tẃiphangni saka-o tei khoroksa kotorsa tongo tei bórok khoroknwini saka-o teibo kotor kotor tangphangrok tongo.

PHRWNGNAINI 7:7

Siyan gwnangsa sátok-pitok khlai khe bo butua se wngo tei rang cháma khe bwkhano hamya khlai-o.

PHRWNGNAINI 8:9

O ha saka-o khlaijakmarokno naichomwi naiwi uansugwi omorokno nuk kha; borok khoroksa tei khoroksano suar tongma bagwi hamya khlai-o.

JISAIA 5:7

Tamni hwn khe, Israil dopha wng kha sengkrakrokni Subraiyungni angur bwlwng; Tei Juda hani bororok wng kha, bo káimani angur buphangrok. Bo bórokno bujsói tẃi thung hwnwi naimani, hai wng yaui bórok borok se buthar si-o. Bo bórokno samung sói khlai thung hwnwi naimani, phiya ba bórok bai sátokjaknairok bujsóini bagwi se ma chirik lai si-o.

JISAIA 51:23

tei ang nono sátoknairokno phiya ‘Bokhorok bom di, chwng nini saka tẃi himnani,’ hwnwi hwnnairokno nini yago abono yapharnai; nono, tei nono ha hai khe saka tẃi lahar hai khe bomol tẃi himnairokni bagwi phehelwi rw kha.”

JISAIA 59:7

Bórokni yakung samung sitra phaising thángo tei bórok borok kahamrokni thẃi kochok rwnani bagwi doi thángo, bórokni uansukmarok bebak cha ya máng uansugo, a bórokni lama-o rwkhlaiwi bukcha khlaima tei sokomorma máng se.

JIRIMIA 16:7

A thwiwi thángnairokni bagwi kapnairokno khakchang rwnani bagwi khoroksa phano chámung hadinairok tong glak; bórokni buma-buphano bwkha-o khanmung khan rwui bwkha methepnai khoroksa phano tong glak.

KAPSIMANG KAPMA 1:16

“Omorokni bagwi ang kabo; mokolni muktwi kochok kha; ano bwkha bacha rwui bwkha methepnai ang bai chal kha; ani bwsarokbo khibijak bái kha tamni hwn ba kena arirok se kwplai wng kha ba.”

KAPSIMANG KAPMA 1:17

Siyon bini yak pholoksa-o, tamo khe khoroksa phano bono bwkha methepnai kwrwi; Jakobni arini bororok Jakobno kebengwi bachaui bini kena ari wng thung hwnwi Subraiyung dagiui rw kha; Jerusalem bórokni thani kaisa kwthar ya manwi hai wng kha.

KAPSIMANG KAPMA 1:2

Bo hopung muisubuk chaui kabwi bini khangaro twi yor tẃi muktwi klai-o; bono hamjaknairokni bere khoroksa phano bono bwkha methepnai kwrwi kha; bumarijwksongbo bono bandi kha, bórok bebakno bini kebengnai ari wng kha.

KAPSIMANG KAPMA 1:9

Ulo tamo wngno abono bo uansuk yaui uaijaui tongmung sitra tongwi bini rígnaino tena khlai kha; bo klaima le belai kirimasingcha, Bono bwkha kwchang rwnai kwrwi kha; bono khoroksabo khakchang rwnai kwrwi. “O Subraiyung, ani digi-sigino naikhlai nai si di, tamni hwn ba kebengnai arirok kwplai wng kha!”

AMOS 3:10

“Bórok bahai khe sói khe khlainai abono saui man ya” hwnwi Subraiyung sa-o, bórokni nok kwrakrogo bórok sekpromani tei kusupmani manwirokno rúngwi ton lai-o.

AMOS 3:9

Ha Ijipni tei Asdodni nok kwrago tong báinairokno hai hwnwi sakhlai di, “Norok Samariani hathái-o kuthum lai di; bini bisingo urumuru nang laimani tei bórok kiching bórok kusup laimani nai di.”

MALAKI 2:13

Nwng omo haibo khlai-o: Subraiyungni háyáno nwng muktwi kochok rw-o, nwng swlwksaui kabo, tamni hwn ba nini yapharmungno bo tei sak nangjak ya phiya abono bwkha bai khe nini yakni yabo yachak ya,

MALAKI 3:18

Aphuru khe nwng tei uáisa borok kaham bai borok hamya phér laimano, Kaitorno monnai tei mon yani phér laimano nuknai.

MALAKI 3:5

“Aphuru khe ang norokni thani bujsóini bagwi sedernai; tei ang danda-baji phunuknairok, buitali-buitala wngnairok, tatal sakki rwnai tei mula tangnairokno bandinairokno, randijwkmarokno, ma-pha kwrwirokno, buini hani bororokno kusupnai tei ano bórom khlai yarokno ang bórok bebakno kebengwi bachaui kók sanani kodo wngnai hwnwi Subraiyung Kaitor sa-o.

MATHAI 26:56

Tamo khe diyarirok elembago swi langmani abo nang phaina bagwi se omorok wngo.” Aphuru bebak sagrirok bono khibiui khár bai kha.

UÁINWINI SA PHIMA 28:33

Norok sini ya dopha kaisa norokni hapharni bwtháirokno tei norokni kolomtwi bai manmarok cháui páinai tei norokni mungsa tong glak, sal brúm panjalwi sátokjaknai.

UÁINWINI SA PHIMA 28:48

Phiya Subraiyung norokno kebengwi norokni arirokno rohor anw, norok bórokno ma monnai. Norok ok khuinai, twi kangnai tei rí kwrwi wngnai, bebakni’-no biyal ma wngnai. Tei bórok norokno sokomor súk ya sakno norokni gwdna-o sorni horbak bal rwui tonnai.

JAKOB 5:4

Norok norokni kheto samung tang phainairokno bórokni samungni rang rw li ya. Bórok kutuk laimano khna di. Norokni mai ranairok chirikhókmani abo Kwplaisa Subrai Kaitorni khunju klai kha.

BUJ THUMNAIROK 4:3

Jabinni khung chuku-ra sorni korai malkhung tongo, bo Israilrokno belai sátogwi nokha bisi nwichi jora kusup kha, hakhe Israilrok Subraiyungni thani chirigwi kap lai kha.