PHRWNGNAINI 3:8 - Kok Borok (Re-edited) Bible (BSI)

⁸ hamjakna jorabo tongo tei naislerna jorabo tongo; chobani jora tei kwtha laina jorabo tongo.

PHRWNGNAINI 3:8 Iomraidhean Croise

1 HABUGRA 5:4

Tamo khe, tabuk le Subraiyung ani Kaitor ani bebak arino kwchang wng rw kha, ano tabuk kebengnairok kwrwi tei choba bachanabo kirina kwrwi.

2 HABUGRA 9:22

Jehuno nuk khe Joram bono, “Kaham kók da tong?” hwnwi sẃng kha. Jehu hai hwnwi sa kha, “Nwma Jesebel tabuk suda takjak mwtairok khulumui tei swkalni kóktháirok tẃiwi tong khe bahai khe chwng kwchang kwchang tongwi man sinai?”

2 BOSONG 19:2

Hwn ba diyari khoroksa Hananini bwsla Jehu bo bai malaina thángwi habugra Jihosapatno hai hwnwi sa kha, “Nwng borok hamya Subraiyungno naislernaino de hamjagwi chubanai? Aboni bagwi Subraiyungni aroni jolima nini bagwi nongkhorwi tháng kha.

LOBMUNG 101:3

Ani mokol bwskango mungsa hamyano ton glak. Lama hamya-o himwi samung tangnairokno ang naislero; Abo ang bai gwdalwi tong glak.

LOBMUNG 105:25

aphuru khe bo bórokni bwkhano bórokni selengrok bai chokoi-phokoi wng rwui bórokni bororokno naisler rw kha,

LOBMUNG 139:21

O Subraiyung, nono naislernairokno ang naisler ya diba? nono hamya khlaina bachanairokno ang joli ya diba?

PHRWNGMUNG 13:5

Borok kahamrok kók tatalno naislerjago, tamo khe borok hamyarok khe lachimasingcha samung tango.

ESEKIEL 16:8

Ang tei uáisa nini gana tẃi tháng phuru, nono naisigwi nuk kha, aphuru sói nini hamjak laina jora sók phai kha; hakhe ang ani bwkrang phehelwi nini sak lángano kholop kha. Tei ang nono kók rw kha phiya nwng bai swmai tang kha hakhe nwng ani wng kha; hwnwi Subraiyung Kaitor sa-o.

LUK SWIMANI KOTHOMA KAHAM 14:26

“Ani thani phainai borok bo buma-bupha, bihik-bwsa, takhuk-bukhuk phiya sakno suda khibi ya khe ani sagri wngwi man ya.

EPIS 3:19

Au, bo chwngno hamjakmani abono norok saui man thung abono saui man súk ya phano; hakhe Kaitorni bebak tongmung norokni bisingo kupulung wngnai.

EPIS 5:25

O sai hwnjaknairok, Khristo bo sakno rwui mothano hamjakma haino norokbo nihiksongno hamjak di.

JOSUA 11:23

Hakhe Subraiyung Musino dagimani haino Josua bebak hano yago na bai kha, Josua Israilrokni bisingo bosong thwgwino ha banta khe rw bai kha. Hakhe o ha chobani lenglama man kha.

PHUNUKJAKMANI 2:2

Nwng khlaimarokno ang saui mano; ang saui mano nwng bwswk samung kwrak khlai kha, nwng bwswk soi kha. Ang saui mano nwng borok hamyarokno soiwi man ya, chonghor wng yaui’-no chwng chonghor hwnwi hwnnairokno nwng potaliui nai kha, hakhe bórokni tatalno rom kha.