PHRWNGNAINI 3:7 - Kok Borok (Re-edited) Bible (BSI)

⁷ sichikna jora bo tongo, thepaui subna jorabo tongo; siring sring tongna tei kók sana jorabo tongo;

PHRWNGNAINI 3:7 Iomraidhean Croise

YAPHANG 37:29

Ruben a twikhoro phaiwi Josepno aro nuk li ya hwn khe bini ríno chir kha

YAPHANG 37:34

Jakob bwkha báijagwi bini rí chir kha tei rí kichikrok kan kha, bwslani bagwi sal kwbángma bo bwkha khamwi tong kha.

YAPHANG 44:18

Aphuru khe Juda bini samo thángwi hai hwnwi sa kha, “O bubagrasa nwng le Pharao bai baksa, nini o selengno nini thani kók kisa sanani rw ja di, ano ta joli ja di.

YAPHANG 44:34

O chwrai ang bai baksa kwrwi hwn khe ang bahai khe ani aphani thani kiphilwi thángnai? Ang aphani saka-o hamya patima nukna kiri-o.”

2 SAMUEL 1:11

Daud bini rírok sichik kha tei bini bororokbo abo haino khlai bai kha.

2 SAMUEL 3:31

Hakhe Daud Joab tei bini bororokno bórokni rí sichigwi rí soroi kan rwui Abnerni bagwi khá khamnani dagi kha. Habugra Daud baithangbo tolai uklogo rwkthar kha.

1 HABUGRA 21:27

Ahab o kókno khna khe’-no, Ahab bini rírokno chir kha tei rí soroino kan kha. Bo chána soi li ya tei rí kichigono thu kha tei mwkhang somwi khá báijagwi tong kha.

2 HABUGRA 18:36

Hakhe bororok siring siring tong lai kha; habugra dagimani tẃi’-no bórok mungsa kók pung lai li ya.

2 HABUGRA 5:7

Israilni habugra kóktunno pori khe bo hai hwnwi saui bini rí sichik kha, “Siriyani habugra bahai khe ano o borokni biyadino ham rwnai hwnwi ba tong kha? Bo ba tamo ano mwthangwi eba butharwi mannani phan tẃijak Kaitor hwnwi da uansuk lang? Bo ang bai uálainani lama se naitugwi tong kha, omo katswi srai-srai!”

2 HABUGRA 6:30

Abo khna kheno habugra bini rí sichik kha, chokdeualo tongnairok habugrano rí soroi kanjak khe nuk bai kha.

ESTER 7:4

tamni hwnma le sokomor rwjakna bagwi eba butharwi sokomorwi pái rw suknani bagwi se ani dopharokno phalwi rwjak kha. Tumung chwngno seleng selengjwk simi khlaiwi tonna bagwi simi wngma te ang siring siring khe tong kha mun tei omo tẃi birmanni kókno bubagranobo ma sa glak kha mun.”

JOBNI BIJAP 2:13

Bórok bo bai baksa salsni horsni achuk lai kha, khoroksa phano kók sa lai li ya, tamni hwn khe bo belai tekto manwi tongmano bórok nuk kha.

LOBMUNG 39:2

Ang kók sa yaui siring siring khe tong kha; kók kahamno suda sa li ya; hakhe ani bwkha subuksama bángwi phai kha,

PHRWNGNAINI 3:6

rutugwi manma jorabo tongo tei kwmana jorabo tongo; tisaui tonma jorabo tongo tei khibiui rohorma jorabo tongo;

JISAIA 36:21

Phiya ba bororok siring siring khe tong lai kha, bini kókno tháisa phano uphilwi sa li ya, tamni hwn khe “Uphilwi bono kók ta sa phi di” hwnwi bugra bai dagijakma tongo.

JIRIMIA 36:24

Habugra bai bini selengrok o kókno khna phano kibo kirijak ya tei bórokni rí-chumrok bo sichik lai li ya.

JIRIMIA 8:14

Tamo wngwi chwng oro haino achugwi tong lai? Thansa khe thumjak di! Phai di chwng babek’-no a kamiyung kwrago thángwi thwiwi pái lai anw! Subraiyung chini Kaitor chwngno thwi bai thung hwnwi hwn kha tei chwngno bis nung thung hwnwi rw kha. Tamni hwn ba chwng bini thani sumsok khlai kha.

KAPSIMANG KAPMA 3:28

Subraiyung se bono abo rw-o, aboni bagwi bo siring siring khe achugwi tongthai,

JOEL 2:13

nini ríno ya bwkha se chir di. Nini Subraiyung Kaitorni thani kiphil di, tamni hwn ba bo wng kha khairoknai tei mayabo gwnang, doui joli ya, hamjakmabo pái phlai ya tei bwkha ham phirwi sátok ya khe tongnaisa.

AMOS 5:13

Aboni bagwi siyan kwrwng borok khe abo hai jora-o siring siring tongo; tamni hwn ba jora le hamya ba.

AMOS 8:3

A salo noktharni rwchap laimarok kap laima se wng anw,” hwnwi Subraiyung Kaitor sa-o; “Mang kwthwirok kwbángma wngnai; aro-uro bórok siringcha khlaijaknai.”

MIKA 7:5

Nini nok arini borokno poito ta chá di, kichingnobo bwkha ta bera di; nini khája-o khe kwbagwi thumani nini hikno suda búkhúk bwklap gwnang khe kók sa di;

SAMUNG 4:20

Chwng le sak baithang nukmano khnamano sa yaui tongwi man ya.”

SAMUNG 9:39

Hakhe Pitor bachaui bórok bai tháng kha. Aro sógwi khe bo sakani a khotolo tlangjak kha. Randijwkrok bono chorsa khe kuthum laijak, bórok kap twtwi Dorka kwthang tong lang phuru kamchlwi bai kut sup langmarokno bono phunuk kha.

1 SAMUEL 10:16

Sol bini bukhrano hai hwnwi sa kha, “Koraichirkarok manjak kha hwnwi bo chwngno srai-srai khe sa kha,” tamo khe Samuel bo habugra ma chánani kók samano bini bukhrano sa li ya.