PHRWNGNAINI 3:3 - Kok Borok (Re-edited) Bible (BSI)

³ butharna jorabo tongo ham rwna jorabo tongo; swbaina jorabo tongo, tisana jorabo tongo;

PHRWNGNAINI 3:3 Iomraidhean Croise

YAPHANG 9:6

Khoroksa swk borok buthar khe bo tei kubun borok bai butharjaknai; tamni hwn ba borok Kaitorno kosol khe snamjak.

JISAIA 44:26

bo bini selengni kóktháino kwrak khlai-o, bini suarirokni kókbitino nang rw-o; bo Jerusalemno tẃiwi sa kha, abo bororok bai tongjaknai, tei Judani kamiyungrokno tang phijaknai, bini báijakrok songchajak phinai;

JISAIA 6:10

O bororokni bwkhano butua khlai di, bórokni khunjuno nathong khlai di tei mokolno nuk ya khe rw di; wng ya khe mokol nugwi tei khunju bai khnaui bwkha-o saui man anw, hakhe bwkha kiphilwi ham rwjaknai se.”

JIRIMIA 1:10

Nai di tini ang dopharokni saka-o tei habugrarokni saka-o, phuichanani tei swbainani, sokomornani tei khitarnani, tisanani tei kainani bagwi nono chong kha.”

JIRIMIA 31:28

Jora-o ang bórokno phuicha-o tei swbai-o, khitarwi rohoro sokomoro tei hamyarok khlai tẃi’-no ang bórokno songchanani tei kainani bagwi naikolnai hwnwi, Subraiyung sa-o.

JIRIMIA 33:6

Nai di ang bórokno sak kaham kwrwng khe tei bórokni hamyano ham rwnai, kwbángma hamchamungno phunuknai tei kirina kwrwi khe tong kwchang khlainai.

JIRIMIA 45:4

Nwng bono o kók sa di, Subraiyung hai hwnwi sa-o; “Nai di ang snammani abono swbaiwi khibina nai tongo, ang o ha gwnangwi kaimano phuichaui khibina nai tong kha.

ESEKIEL 13:14

Norok chwndwi bai lepemani chokdeualno swbaiwi ha-o khiklai rwnai, hakhe aboni thonglarokno lukurok nuknai. Norokbo a chokdeual bai baksa komornai, hakhe ang se Subraiyung hwnwi norok saui mannai.”

HAGAI 1:2

“Phankraksa Subraiyung hai hwnwi sa-o: o bororok, tabukbo Subraiyungni nokthar tang phina jora sók phai ya kho hwnwi sa lai-o.”

HAGAI 1:4

“O nok se báiwi klaijak, omo hai jora-o norok nok kaham-kahamo tongwi tongna jora diba?

SAKARIA 1:12

Hakhe Subraiyungni suari sa kha, ‘O kwplaisa Subraiyung, nwng nokha bisi snichi jora jolimani Jerusalem bai Judiani kamiyungrokno khairoknani tei bwswk lerno kho?’

UÁINWINI SA PHIMA 32:39

“ ‘Tabuk nai di, Ang, Ang’-no bo, ano karwi tei kubunni kaitor kwrwi; ang’-no butharo, ang’-no mwthango; ang’-no kwsa cha rw-o, tei ang’-no ham rw-o; ani yakni phiyógwi mannai tei khoroksa phano kwrwi.

1 SAMUEL 2:25

Borok khoroksa tei borok khoroksani thani sumsok khlai khe Kaitor bono chubaui mano; tamo khe borok khoroksa Subraiyungni thani sumsok khlai khe sabo chubaui mannai?” Tamo khe bórok buphani kók se khna lai li ya, aboni bagwi Subraiyung bórokno butharna bwkha chong kha.

1 SAMUEL 2:6

Subraiyung se butharo tei mwthang phiro; bo bororokno kwthwi ha-o rohoro tei tisa phiro,