PHRWNGNAINI 3:22 - Kok Borok (Re-edited) Bible (BSI)

²² Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 3:22 Iomraidhean Croise

JOBNI BIJAP 14:21

Bini bwsarok bórijago, hai phano bórok abono saui man ya; bórok lachimasingcha khlaijaknai tamo khe bórok abono romwi man glak.

PHRWNGNAINI 10:14

hai phano butua khe khúk thak ya kók sa máng tongo. Tamo wngnai wng ya khoroksa phano saui mannai kwrwi, thinango tamo wngo khoroksa swkno sabo saui rwui mannai?

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 2:18

Ang o ha saka-o kolomtwi khiklaiwi tangwi manmarokno ang naisler kha, tamni hwn ba ang abórokno ani ulo phainairokni bagwi se yakarwi ma klangnai

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 7:14

Hamchama-chasama jora-o tongthok di, tamo khe tekto nang phuru o kóknobo uansuk di, abo khe; borok bini thinangni kókno mungsa phano saui ta man thung hwnwi Kaitor tongthok rwma hai tektobo rw kha.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

PHRWNGNAINI 8:7

Au, tamo wngna naiwi tong kha abono bórok si ya, abo bahai khe wngnai abono bórokno sabo sanai?

PHRWNGNAINI 9:12

Tamni hwn ba khoroksa phano buphuru komormung patino abo si ya. Twini á chei-o kwcha tẃi tei toksarok khẃi-o kwcha tẃi khe bororokni thanibo achomsa khe dob phaiwi klaiwi phai-o.

PHRWNGNAINI 9:6

Bórokni hamjakma tei bórokni naislerma tei bórokni músúma komorwi tháng kha; o ha saka-o wngmarogo bórokni tei manthai-sókthai tong glak kha.

DANIEL 12:13

Phiya ba Daniel nwng páithak jora sói khe tong di; tamo khe lenglaui tong di, jora páithago nini bagwi chongjak ha-o bachanai.”

MATHAI 6:34

Aboni bagwino khwnani bagwi ta uana di, khwnani khwna uansukjak anw. Tini tangmani tinini wngo.”

UÁINWINI SA PHIMA 12:18

Phiya ba, Subraiyung norokni Kaitor chongthani Subraiyung norokni Kaitorni bwskango norok sajwk sajlarokno tẃi tei nini seleng, selengjwksongrokno tẃiwi tei norokni kamiyungrogo tongnai Lebirok bai khe Subraiyung nini Kaitorni bwskango tongthogwi chá lai di.

UÁINWINI SA PHIMA 12:7

Tei norokni Subraiyung norokni Kaitorni bwskango chá di, norok tei norokni núkhungni bororok, abo bebak Subraiyung norokni Kaitor hamari rwmani tei norokni samung khlai manmani hwnwi tongthok lai di.

UÁINWINI SA PHIMA 28:47

“Tamni hwn khe Subraiyung norokno bebago’-no hamari rw phano; norok bono khá tongthogwi bwkha kuphur khlaiwi mon li ya.