PHRWNGNAINI 3:19 - Kok Borok (Re-edited) Bible (BSI)

¹⁹ Tamni hwn ba bororok bai mal-matarokni páithak manthai le baksa se; bororokbo ma thwi-o tei mal-matarokbo ma thwi-o. Bórokni rangmabo baksano, oro borok bai mal-matani slái bára ya; bebakno samung chúk ya máng se.

PHRWNGNAINI 3:19 Iomraidhean Croise

2 SAMUEL 14:14

Chwng bebak’-no ma thwinai, chwng ha-o klainai twi hai se, abono khoroksa phano tei thumwi man phiya. Kaitor suda kwthwino mwthang ya tamo khe habugra le buini ha-o tongmano kiphilwi tubuna khe tubu-ui mano.

LOBMUNG 104:29

Nwng nini mwkhang hui khe bórok ámang-chímang wngo; nwng bórokni hamano rosa khe bórok thwi-o, tei hadlwi’-ono kiphilwi tháng phiro.

LOBMUNG 49:12

Borokni jolma-jolsa rang-rí tong phlai glak; bórok pun-tokrok hai komornai.

LOBMUNG 49:13

Sakni rang-rí bai bwkha kochomnai butua bororok omo tẃi kheno manthai mannai. Sela

LOBMUNG 49:20

Borokni jolma-jolsa rang-rí tong phlai glak; bórok pun-tokrok hai komornai. Asapni lobmung

PHRWNGNAINI 1:14

O ha saka-o khlaijakma bebak samungrokno ang nuk kha; omorok bebakno chúk ya máng se; abo le nokbarno riphrik tẃi se.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 2:14

Siyan gwnangsa khe nugo, tamo khe butuasa khe mwnakma-o himgurungo. Hai phano ang saui man kha bórok khoroknwino manjakmung dalsano manjaknai.

PHRWNGNAINI 2:16

Tamni hwn ba khoroksa phano siyan gwnang borokno eba butuano muitu khlainai kwrwi, thinangni salrogo bebakno pogwi thángjaknai. Siyan gwnangsa thwima hai kheno butuasabo thwi-o!

PHRWNGNAINI 7:2

Chá lai-nung lai tongthok laithani thángmani slái kap laiwi tong thani thángma se ham kugo; tamni hwn ba omono joto bororokni páithak tei kwthang tongnairokbo o kókno bwkha-o muitu narwk anw.

PHRWNGNAINI 9:12

Tamni hwn ba khoroksa phano buphuru komormung patino abo si ya. Twini á chei-o kwcha tẃi tei toksarok khẃi-o kwcha tẃi khe bororokni thanibo achomsa khe dob phaiwi klaiwi phai-o.

PHRWNGNAINI 9:2

tamni hwn ba jotoni manthai le baksa se; bo borok kaham hwn thung hamya hwn thung, kwthar hwn thung eba kwthar ya hwn thung, yapharnairok wng thung yaphar yarok phano wng thung. Borok hamyarok man tẃi’-no borok kahamrokbo mannai; swmai tangnairokbo tei swmai tangna kirinarokbo abono mannai.

LEKHAMUNG 16:29

Borok kahamrok thwi tẃi’-no bórokbo thwi khe tei bebak borok tekto man tẃi’-no bórokbo tekto man khe Subraiyung ano rohormani klai ya.