PHRWNGNAINI 3:14 - Kok Borok (Re-edited) Bible (BSI)

¹⁴ Ang saui mano Kaitor khlaimani abo mol brúmno tong phlainai; aro tei mungsa swk dauibo man ya kháiklaiwibo man ya; jotono bono bórom khlaiwi kiri thung hwnwi se Kaitor omono khlai-o.

PHRWNGNAINI 3:14 Iomraidhean Croise

2 SAMUEL 22:31

O Kaitorni lama wng kha sói; Subraiyungni swmaino kubui hwnwi phunugo. Bini thani katina bagwi phainai bebakni bagwi bono phui.

LOBMUNG 33:11

Subraiyungni chapma mol brúmno tong phlai-o, bini uansukma kusung kusungo tongo.

LOBMUNG 64:9

Aphuru khe jotono ma kiri anw; Kaitor tamo khlai kha abono bórok sa lai anw tei uansuk lai anw.

LOBMUNG 76:10

Kubui’-no bororokni jolima le nono se lobsa rw-o, tamni hwn ba nwng abono buj thumjaknai seng hai se khlai-o.

PHRWNGMUNG 19:21

Borok bwkha-o kwbángma’-no chapmungrok chabwi mano, tamo khe Subraiyungni muchung tẃi se wngnai.

PHRWNGMUNG 21:30

Mungsa swk elem, simung tei kókchaprok Subraiyungno kebengwi bachasaui man ya.

PHRWNGMUNG 30:6

Bini kókrok bai tei kók ta dal di, hakhe bo nono kulnai tei tatal manjaknai.

PHRWNGNAINI 12:13

Tabuk le bebakno khna bái laha; tamo khe kók páithak khe omo se, Kaitorno bórom khlaiwi kiriui tei bini dagima khnama bising tẃi se borokni bebak khlaithai khlaijago.

PHRWNGNAINI 5:6

Nini búkhúk nono sumsogo ta khiklai thung, kók tun phainaino omo cha ya wng kha hwnwi ta sa di; nini kókno tẃiwi Kaitor tamni jolijagwi nini yakni samungno sokomornai?

PHRWNGNAINI 5:7

Uansukma báng khe, kók nang ya bángsa-o; tamo khe nwng Kaitorno se kiri di.

PHRWNGNAINI 7:18

Nwng o phrwngmung tháinwirokni bere tháisano phano khibi yaui khnaui tong khe hamo; tamni hwn ba Kaitorno bórom khlaiwi kirinairok o tháinwino’-no khnaui tongwi mannai.

JISAIA 46:10

Ang yaphangni simi páithakni wngmungno sakhlaiwi hai hwnwi sa-o; ‘Ani kókbiti tong phlainai tei ani bwkha-o chapmarokno ang khlaiwi páinai.’

DANIEL 8:8

Hakhe punjua belai phankrak wng kha; tamo khe bo phan gwnang wng phuru khe bini bokorong báiwi tháng kha. A báima jidolo tei bokorong kongbrwi babaibrwi suhorjak khe achai kha.

SAMUNG 2:23

Jisu norokni yago yapharjaknai abo Kaitor swkang baira siui khá chapjak se; hakhe chengta bororokni yak tẃi kruso kanta bu rwui norok bono buthar kha.

SAMUNG 4:28

Nwng nini phan bai nini muchungma bai swkang baira aswk khá chabwi tonmarokno khlaina tẃi khe bórok kuthum lai kha.

SAMUNG 5:39

phiya abo Kaitorni hwn khe norok bórokno mechenwi se man glak. Norok Kaitor bai phano nang laina tongo.” Kaunsil Gamaliel hwnmano khna kha.

RUMSONGNO POL SWIHORMANI 11:36

Bo se bebak manwirokno snamo, bini bising tẃi phiya bini bagwi se bebak manwirok tongo. Kaitor mol brúm brúmno chẃngsacha wng thung! Amen.

EPIS 3:11

Kaitor yaphangni simi bini khá chapma hai omo khlai kha, omo wng kha chini Subrai Khristo Jisuni bising tẃi khlaimani.

UÁINWINI SA PHIMA 32:4

“Bo wng kha holong, bini samungrok sói cha súkjak; tamni hwn ba bini bebak lamarok sói, kók narwknai Kaitor, bo cha ya khlai ya. Bo kubui tei bini thani cha ya kwrwi.

TITNO POL SWI HORMANI 1:2

A tongthar wng kha kwthang tong phlaina khatungma kókno tẃiwi se. O swngchar wng ya sini’-no tatal sa ya Kaitor chwngno omo hai mwthangnani kók rw kha,

JAKOB 1:17

Joto manwi kaham rwmani, joto manwi sói rwmani abo chuknohani se phai-o. Nokhani sal, tal tei athukirirokno snamnai Kaitorni aroni se abo phai-o. Bo sakno mul phíl ya, sal kasaui sal thángwi sampili klaima tẃi bo sampili klai ya.

PHUNUKJAKMANI 15:4

O Subrai, nono sabo kiri ya wngnai? Sabo nono kotor hwn yaui tong mannai? Nwng simi se kwthar. Bebak dophano phaiwi nono khulum phainai, tamni hwn ba nini samung kahamrok joto’-no nuk kha.”