PHRWNGNAINI 3:13 - Kok Borok (Re-edited) Bible (BSI)

¹³ tei chwng jotono kolomtwi khiklaiwi samung tangwi cháthai-nungthai, omono Kaitorni hili.

PHRWNGNAINI 3:13 Iomraidhean Croise

LOBMUNG 128:2

Nwng nini yak bai tangmani samungni bwthái ma chánai; nwng tongthoknai tei nini kaham wngnai.

LOBMUNG 34:12

Norokni bere sabo thangwi tongnano hamjak, tei kaham kwrwng khe tongna bagwi umor kolok khatung?

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 2:3

Ang kwkwrwk-kwthang twtwi angur bwtwi nungwi sakno tungphla rw kha tei butua tong tẃi khe tongwi sakno tongthok rwna nai kha. O ha saka-o borokni langma le salnwi salthamni bagwi se ba, aboni bagwi siyan gwnang khe tongma de, eba butua khe tongma de kaham, abono sina nai kha.

PHRWNGNAINI 6:2

Kaitor baksa baksano khe rang-mai, bórom, nok-huk rwui bórokno mungsa phano biyal wng ya khe ton kha, tamo khe Kaitor bórokno a manwirokno cháui nungwi tongthokna rw ya, bui se abono cháui nungwi tongthogo. Omobo chúk ya; belai khe cha ya.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

PHRWNGNAINI 9:7

Tháng di, nwng tongthogwi nini chámung cháui di tei bwkha srangwi nini angur bwtwi nungwi bwkha srang di; tamni hwn ba Kaitor nwng khlaimarokno chajak kha.

UÁINWINI SA PHIMA 12:7

Tei norokni Subraiyung norokni Kaitorni bwskango chá di, norok tei norokni núkhungni bororok, abo bebak Subraiyung norokni Kaitor hamari rwmani tei norokni samung khlai manmani hwnwi tongthok lai di.

UÁINWINI SA PHIMA 26:11

tei Subraiyung nini Kaitor nono tei nini núkhungno rwmani hani bebago’-no hamarirok rwmani, abórok bebakni bagwi nwng tei Lebisong tei nini bisingo tongnai buini hani bororok bai khe norok bebakno tongthok lai di.