PHRWNGNAINI 3:12 - Kok Borok (Re-edited) Bible (BSI)

¹² Ang saui mano, bororok kwthang tongsani bwkha srangwi tongthogwi tongmani slái tei kaham kwrwi;

PHRWNGNAINI 3:12 Iomraidhean Croise

LOBMUNG 37:3

Subraiyungno poito khlai di tei samung kaham tang di; hakhe nwng ha-o tongnai tei kirimung kwrwi khe tongthogwi tongnai.

PHRWNGNAINI 11:9

Siklasa, nwng sikla jorano tongthok di, sikla phuru nini bwkha nono tongthok rw di. Nini bwkha tholjak tẃi’-no tei nini mokol naithokjak tẃi kheno khlai di, tamo khe Kaitor nono bebak samungnino buj thumnai, o kókno muitu narwk di.

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 2:3

Ang kwkwrwk-kwthang twtwi angur bwtwi nungwi sakno tungphla rw kha tei butua tong tẃi khe tongwi sakno tongthok rwna nai kha. O ha saka-o borokni langma le salnwi salthamni bagwi se ba, aboni bagwi siyan gwnang khe tongma de, eba butua khe tongma de kaham, abono sina nai kha.

PHRWNGNAINI 3:22

Aboni bagwino samung bai tongthoknano karwi le tei kaham kuk hwnwi kwrwi, sabo bono mwthang phirwi aboni ulo tamo wngnai phunugui mannai?

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

JISAIA 64:5

Bwkha tongthogwi sói khe nini kók khnanairokno tei samung khlainairokno nwng chuba-o, tamo khe chwng sumsok khlai khe nwng jolijago. Jora kolokmano chwng sumsok bai tongwi phai kha; chwng mwthangjagwi da manno?

LUK SWIMANI KOTHOMA KAHAM 11:41

Tamo khe mairang lota-o tongmano kwrwirokno rw di, hakhe se norokni bebak’-no sap-sutra wngnai.

SAMUNG 20:35

‘Nanai borokni slái rwnai borok se hamchajak,’ hwnwi Subrai Jisu samani o kókno muitu narwgwi chwng samung kwrak tangwi phan kwrwirokno ma chubana nangnai, abono joto samungo’-no ang norokno phunuk kha.”

UÁINWINI SA PHIMA 12:18

Phiya ba, Subraiyung norokni Kaitor chongthani Subraiyung norokni Kaitorni bwskango norok sajwk sajlarokno tẃi tei nini seleng, selengjwksongrokno tẃiwi tei norokni kamiyungrogo tongnai Lebirok bai khe Subraiyung nini Kaitorni bwskango tongthogwi chá lai di.

UÁINWINI SA PHIMA 12:7

Tei norokni Subraiyung norokni Kaitorni bwskango chá di, norok tei norokni núkhungni bororok, abo bebak Subraiyung norokni Kaitor hamari rwmani tei norokni samung khlai manmani hwnwi tongthok lai di.

UÁINWINI SA PHIMA 26:11

tei Subraiyung nini Kaitor nono tei nini núkhungno rwmani hani bebago’-no hamarirok rwmani, abórok bebakni bagwi nwng tei Lebisong tei nini bisingo tongnai buini hani bororok bai khe norok bebakno tongthok lai di.

UÁINWINI SA PHIMA 28:63

Tei Subraiyung norokno hamcha rwna bagwi bwkha tongthokma haino Subraiyung norokno báikhrup rwui tei sokomorwi bo bwkha tongthokjago; tei norok hapna nai tongma a hani norokno phuichaui khibinai.

1 TIMOTHI 6:18

Bórokno samung kaham khlai di hwn di, samung kaham se báng rw di hwn di, yak kuar khe buino rw di hwn di.