PHRWNGNAINI 3:11 - Kok Borok (Re-edited) Bible (BSI)

¹¹ Bo bebakni’-no sói jora chong kha; tei bo borokni bwkha-o lái thángjak tei thinangni kókno sinano muchung rw-o, tamo khe Kaitor yaphangni simi páithak jora tamo khlai kha bororok romwi man ya.

PHRWNGNAINI 3:11 Iomraidhean Croise

YAPHANG 1:31

Hakhe Kaitor bo snamma bebak manwirokno naisigwi nai kha tei abórokno belai’-no kaham nuk kha. Hakhe sal tháng kha tei phung ai kha tei saldokni sal wng kha.

JOBNI BIJAP 11:7

“Nwng Kaitorni kuthuk manwirokno tikhlai de manno ba? Kwplaisa aswk jorano khlai mano hwnwi nwng saui da man ba?

JOBNI BIJAP 37:23

Kwplaisani phanno chwng uansugwi man ya; bo phankrak tei bujsói tẃi-o, bo bujsói khibi glak.

JOBNI BIJAP 5:9

Bo samung kotor khlaimarokno chwng romwi man ya; tei bini uanamasingcha samungrokno lekha bái ya.

LOBMUNG 104:24

O Subraiyung, nini samungrok bwswk se dal-bidal! nwng nini elem bai abórokno snam bai kha; swngcharo nini snamjak manwi bai kupulung.

PHRWNGMUNG 16:4

Subraiyung bebaknono bini samungni bagwi se snamo, borok hamyaroknobo digi-sigi salni bagwi snamo.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 11:5

Bumani oksingo bahai khe absani thani rangma hapson nwng abono si ya, abo hai’-no bebakno snamnaisa Kaitorni samungno nwng romwi man ya.

PHRWNGNAINI 7:13

Kaitorni samungno uansugwi nai di; bo kokoi khlaimano sabo sepengwi mannai?

PHRWNGNAINI 7:23

Omorokno bebakno ang ani simung bai amjogwi nai kha; “Ang siyan gwnang wngnai” hwnwi sa kha tamo khe ang abono yasuk ya.

PHRWNGNAINI 7:29

Nai di, omorokno’-no ang saui manmani, Kaitor borokno srai-srai tei kepleng khe snam kha, tamo khe bórok kwbángma kokoi-mokoi snam kha.

PHRWNGNAINI 8:17

aphuru ang o ha saka-o Kaitorni aswkni samungno nuk kha, abono khoroksa phano naitugwi man ya. Abono saui manna bagwi bororok chaitok súk phano bórok abono man glak; siyan kwrwngrok abono buchi kha hwnwi sa phano abono pái súgwi buchiui man glak.

MATHAI 11:27

“Apha ani yago bebak’-no rw bai kha. Aphano karwi Sajlano sininai kwrwi; phiya Sajla bai Sajla sini rwna muchungma borokno karwi Aphano sininai kwrwi.

MATHAI 13:22

Baksa ba a kókno khna-o, tamo khe bórok swngcharni kók uansugo, rang-ríno mokol chẃngo, abo bai’-no a kók koboljagwi thángo, hakhe bwthái thái ya wngo. Omo tẃi bororok’-no busulwngo klainai maichlwi hai.

MARK 7:37

Omono khnanairok belai uanajagwi hai hwnwi sa lai kha, “Bo bwswk khe jotonono kaham khlai! Bo nathongnobo khna rw-o, bobanobo kók sa rw-o!”

RUMSONGNO POL SWIHORMANI 1:28

Bororok Kaitorno gosina nai yani bagwi Kaitor bórokno khá sitra wngna bagwi yakarwi rw kha, hakhe bórok tongmung hamya tong lai-o.

RUMSONGNO POL SWIHORMANI 11:33

Kaitor bwswk se maya gwnang! Bo bwswk se si, bwswk se elem gwnang! Bo khá chapmano romwi mannai sabo tong? Bini samungno saui mannai sabo tong?

UÁINWINI SA PHIMA 32:4

“Bo wng kha holong, bini samungrok sói cha súkjak; tamni hwn ba bini bebak lamarok sói, kók narwknai Kaitor, bo cha ya khlai ya. Bo kubui tei bini thani cha ya kwrwi.