PHRWNGNAINI 2:8 - Kok Borok (Re-edited) Bible (BSI)

⁸ Ang ha gwnangwi tongnai habugrarokni hani tei amchoini rangchak-rukphai, rang-rírok rúng kha; ani chwla tei bwrwi rwchapnairok tongo tei sak tongthok tongna bagwi kwbángma hik kotoibo tongo.

PHRWNGNAINI 2:8 Iomraidhean Croise

2 SAMUEL 19:35

Ang nokha bisi charchi wng kha, nini seleng bubo kaham bubo hamya saui da man ba, nini o seleng bo nungmarok tei chámarokno kothok thok ya saui se man li ya, ang chwlarok tei bwrwirok rwchapmani khorang da khna kho ba, tamni bagwi nini o seleng ani bugra habugrani bagwi poja boksinai.

1 HABUGRA 10:10

Bo bugra Solomonno rwna hwnwi tubuma hilirokno rw kha, kilo brwisaini slái kwbáng rangchak tei kwbángma mosla tei holong kahamrok rw kha. Bo rwjakma mosla aswk kwbáng aboni slái kwbáng bo uáisabo man ya kho.

1 HABUGRA 10:14

Bisi brúmno bugra Solomon bepar khlainairok bai teksni yagulo sekel 66 rangchak rwjago.

1 HABUGRA 10:21

Solomonni nungjaknai khurirok bebak’-no rangchakni máng snamjak tei Lebanon bolongni a noyungni mairang-lotarok bebak’-no rangchak kahamni máng snamjak. Solomonni jora-o rukphai kwlai ba rukphaino samungo phnangjak ya.

1 HABUGRA 11:3

Solomon khorok snira Isirino káijak kha tei khorok thamra hik kotoi na kha, bórok bono Kaitor bai kak rw kha,

1 HABUGRA 14:27

Aboni yagulo bugra Rehoboam pitolni phuirok snam kha tei noyung duglam mwrwknai bokhorokrokni barja tẃinaino abórokno rw bai kha.

1 HABUGRA 9:14

Phiya Hiram Solomonno kilo brwisaini sláibo kwbáng rangchak rohor kha.

1 HABUGRA 9:28

Bórok Ophirni ha-o tháng kha tei Solomonno kilo chibrwini slái kwbáng rangchak tubu-ui rw phai kha.

1 BOSONG 25:1

Habugra Daud tei tẃiphangrok Asap, Heman tei Jeduthun bosongni baksa bororokno khulumma panda-o samung tangnani bagwi chong lai kha. Bórok budukni tammungrok tamwi Kaitorni kók ma sakhlainai. Saijak bororokni mungrok tei samungrok:

1 BOSONG 25:6

Bórok bebak Subraiyungni nokthar bisingo bórokni bupha samani tẃi khe budukni tammungrok tam lai-o. Asap, Jeduthun tei Heman khe habugra bai dagi jago.

2 BOSONG 9:11

Habugra algam buphang bai Subraiyungni nokni tei habugrani nokni kálam tei rwchapnairokni bagwi budukni tammungrok snam kha. Ha Juda-o swkango abórok hai uáisa phano nuk ya kho.

EJRA 2:65

Bórokni chwla tei bwrwi selengrok khorok - 7337 tei bórokni ranwi chwla tei bwrwi rwchapnairok tongo.

PHRWNGNAINI 1:2

Chúk ya, chúk suk ya, hwnwi phrwngnaisa sa-o, chúk ya, chúk súk ya! bebakno chúk ya, katswi chúk ya.

DANIEL 3:15

Tabuk norok totro khorang tei budukni tammungrokni khorang khnaui norokni bokhorok bomwi ang snammani mang takjakno khulum khe belai hamnai, phiya ba hai wng ya hwn khe norok logi logi’-no hórjlai-o khiklaijaknai, aphuru khe bu mwtai norokno ani yakni phiyógwi mannai tongno?”

DANIEL 3:5

Norok totro kotorni, bokorongni tei budukni tammungrokni khorang khna khe jotono habugra snammani mang takjakno ma khulum bainai.

DANIEL 3:7

Hakhe joto borok totro khorang tei bokorong tei budukrokni tammungni khorang khna bai khe joto dopharok, bosongni bororok tei kókni bororok pwtapsa khe klaiwi habugra Nebukadnejar snammani a mang takjakno khulum bai kha.

AMOS 6:5

chongpreng tamwi rwchapmung rwchabo tei Daud hai khe dal-bidal tammung tamjaknai snamo;