PHRWNGNAINI 2:6 - Kok Borok (Re-edited) Bible (BSI)

⁶ Buphang-uáphangrogo twi luna bagwi pukhirirok khur kha.

PHRWNGNAINI 2:6 Iomraidhean Croise

NEHEMIA 2:14

Aphuru khe ang salka phaising twimuk duglamo tei habugrani pukhiri-o tháng kha, aro ang kasamani Koraichirka láinani suda bwlam kwrwi.

NEHEMIA 2:8

phiya habugrani bolong mwrwknai Asapnobo kóktun swihor di hakhe bo ano noktharni bagwi tei kamiyung chokdeualni bagwi tei ang tongna nokni bagwi buphang rwnani.” Hakhe ang sanmani bebakno habugra ano rw kha, tamni hwn ba Kaitor ani logi-o tongo.

NEHEMIA 3:15

Mijpa amchoino naikini khlainai bokhorok Kolhoseni bwsajla Salum twimuk duglamno snam phi kha. Bo aboni duglam snamwi kholobwi rw kha, hakhe aboni berepjaknai bai tala rwjaknairok khlaiwi rw kha. Bo habugrani tháiblwng ganani Selani pukhirini chokdeualno, Daudni kamiyungni simi ongkhorwi thángjaknai lama jora snam phi kha.

NEHEMIA 3:16

Bini ulo Betjur amchoi khaksano naikini khlainai bokhorok Ajbukni bwsla Nehemia Daudni simalwngni tei babaisa bwkhak pukhiri snamjak, phan gwnang bororokni nokrokno snam phi kha.

LOBMUNG 1:3

Bo twi rukungo káijak buphang hai, bo bini jora-o bwthái thái-o tei bini bwláirok kormosa ya. Bini samung tangmarok chasa bai-o.

RWCHAPMUNG 7:4

Nini kotok khe mayung buani snamjak nok kuchuk hai. Nini mokolrok Bethrabim duglamni Hesbonni pukhirirok hai. Nini bukung khe Damaskos bwkhak naharjak Lebanonni nok kuchuk hai.

JIRIMIA 17:8

Bórok twi rukungo káijak buphang hai, bini yarwng twisa bwkhak sukhlai-o. Abo satung tungphlaui phai phano kiri glak, bini bwláirok khwrang saui tongnai; uatwi phai ya wngmani jora-o phano bo uana glak, bo bwthái tháimabo cho glak.