PHRWNGNAINI 2:3 - Kok Borok (Re-edited) Bible (BSI)

³ Ang kwkwrwk-kwthang twtwi angur bwtwi nungwi sakno tungphla rw kha tei butua tong tẃi khe tongwi sakno tongthok rwna nai kha. O ha saka-o borokni langma le salnwi salthamni bagwi se ba, aboni bagwi siyan gwnang khe tongma de, eba butua khe tongma de kaham, abono sina nai kha.

PHRWNGNAINI 2:3 Iomraidhean Croise

YAPHANG 47:9

Jakob Pharaono hai hwnwi sa kha, “Ang beraiwi kitingwi tongmani khe tabuk nokha bisi sarathamchi ká kha. A lái thángma bisirok khe báng ya tamo khe tong kesep se báng kugo. Ani tei chuchusongrokni bórokni beraiwi kitingwi thangsungo tong langma swk báng ya.”

JOBNI BIJAP 14:14

Borok thwi khe, thang phirwi de man? Ani samungni sal pái ya sak, ani yóknani sal phai ya sak ang naisingwi tongnai.

LOBMUNG 104:15

borokni bwkhano tongthok rwna bagwi angur bwtwi tei mwkhang chẃng rwna bagwi thok, tei bwkha rak rwna bagwi chámung rw-o.

PHRWNGMUNG 20:1

Chuak, buino thesra kariui kók sa rw-o, arak, kók adlang-pidlang sa rw-o, abo bai lama koró rwjaknairokni siyan kwrwi.

PHRWNGNAINI 1:17

Ang simung bai butua tamo tei kobor chama tamo sinani chong kha. Hakhe abórokbo nokbarno riphrikma hai se hwnwi ang romwi man kha.

PHRWNGNAINI 10:19

Mwnwi-kelek khe tongthokna bagwi chámung ter khlaijago; angur bwtwi khe langma-o tongthok rw-o tei rang khe aswkni nangmano man rw-o.

PHRWNGNAINI 12:13

Tabuk le bebakno khna bái laha; tamo khe kók páithak khe omo se, Kaitorno bórom khlaiwi kiriui tei bini dagima khnama bising tẃi se borokni bebak khlaithai khlaijago.

PHRWNGNAINI 2:24

Borokni bagwi le bini ajimani bai cháui-nungwi tongthoknano karwi tei ham kukmung kwrwi. Hai phano, ang saui man kha, omobo Kaitorni aroni se phai-o;

PHRWNGNAINI 5:18

Kaitor borokno rwmani o srapsa thangsungo bo samung bai ajiui manmani bai cháui nungwi tongthokma se bini bagwi ham kukgo, tamni hwn ba abo se bini le manthaiba; ang o kókno romwi man kha.

PHRWNGNAINI 6:12

Borok bini thangsungo a chúk ya salrokno sampili hai khe lái rw phuru bini bagwi bubo kaham bubo khe hamya sabo saui mannai? Bo thángwi páima yagulo o ha saka-o tamo wngnai abono bono sabo saui mannai?

PHRWNGNAINI 7:18

Nwng o phrwngmung tháinwirokni bere tháisano phano khibi yaui khnaui tong khe hamo; tamni hwn ba Kaitorno bórom khlaiwi kirinairok o tháinwino’-no khnaui tongwi mannai.

PHRWNGNAINI 7:25

Ang siyanno tẃiwi uansuktang chapjak tongmarokno naitugwi sina bagwi tei borok hamya wngma khe butua wngmani tei butua wngma khe uansukna rwng ya wngmani o kókno sinani bagwi sakthar kha.

PHRWNGNAINI 8:15

Aboni bagwino ang tongthokna bagwi se ma sa-o, tamni hwn ba o ha saka-o cháui-nungwi tongthoknano karwi borokni tei kaham kwrwi, abo hai khlai khe Kaitor bororokno rwmani thangsungobo tongthokma bai khe tongnai.

MATHAI 6:24

“Khoroksa phano nokphang khoroknwini seleng wngwi man ya; bo khoroksano naisler khe tei khoroksano hamjaknai, eba khe khoroksano khá súk khe tei khoroksano samung nangjak glak. Nwng Kaitorni seleng twtwi rang-ríni seleng wngwi man ya.

EPIS 5:18

Angur bwtwi phegwi ta tong di, abo norokno sokomornai; aboni slái Phola bai koboljak di.

BUJ THUMNAIROK 9:13

Tamo khe angur bórokno hai hwnwi sa kha, “Norokni bugra chána bagwi ani chuak da yakarwi ma tháng sinai? Abo bai se mwtairok tei bororok tongthokjago.”

1 SAMUEL 25:36

Abigail nogo kiphilwi tháng kha, yang Nabal khe habugrani chámung panda hai khe se nogo panda khlaiwi tongo. Bo arak kephek wngwi belai khe tongthogwi tong kha, hakhe Abigail bono aiyasani bono mungsa phano sa li ya.