PHRWNGNAINI 2:26 - Kok Borok (Re-edited) Bible (BSI)

²⁶ Tamni hwn ba Kaitorno bwkha ham rwnairokno, bo siyan tei rwngmungrok rw-o; tamo khe sumsok gwnangrokno khe Kaitorno bwkha phur rwnairokno rwna bagwi bo rang-rí aji rw-o. Omobo chúk ya, nokbarno riphrik tẃi se.

PHRWNGNAINI 2:26 Iomraidhean Croise

YAPHANG 7:1

Subraiyung Noano hai hwnwi sa kha, “Nwng tei nini nokni borokrok rungtoro hap si di, tamni hwn ba ang o bosongrokni bisingo nono borok sói nuk kha.

JOBNI BIJAP 32:8

Tamo khe, Kwplaisani rangma se thwiblang borokni thani tongwi bórokno simung rw-o.

JOBNI BIJAP 38:36

Sabo bwkha bisingo simung rw kha, eba bwkhano si rw kha?

LOBMUNG 39:6

Kubui’-no bororok le sampili hai se kutulwi thángo. Kwrwi kwrwini se bo chiri-mokorok wngo; bórok rochong rwui rúng lai-o, tamo khe sabo ma cháno si ya.

LOBMUNG 51:6

Nwng le bwkha bisingo se kubuino ton rwna hamjago; aboni bagwi ani bwkha bisingo simung phrwngja di.

PHRWNGMUNG 13:22

Borok kahamrok khe sukba-sabarokni bagwi rang-rí klangwi thángo tamo khe borok hamyarokni rang-rí khe borok sóirokni banta se khatijago.

PHRWNGMUNG 2:6

Tamni hwn ba Subraiyung se simung rwnai; bini búkhúkni se simung tei elem ongkhoro;

PHRWNGMUNG 28:8

Buini rang bwsa tei yak bára naui gwnang khanaisani rang abo kwrwirokno khairoknai khoroksa swkni yago sógwinai.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:14

O ha saka-o khlaijakma bebak samungrokno ang nuk kha; omorok bebakno chúk ya máng se; abo le nokbarno riphrik tẃi se.

PHRWNGNAINI 2:25

bono karwi sabo cháui mannai tei tongthogwi mannai?

PHRWNGNAINI 3:10

Kaitor jotono barja rwui pái lai ya khe tonmano ang saui man kha.

LUK SWIMANI KOTHOMA KAHAM 1:6

Bórok khoroknwi’-no Kaitorni mokolo kaham khe tong lai-o; Subrai khlai di hwnwi dagimani a kerongrokno bórok bebak’-no rákhogwi tong lai-o.

JOHON 16:24

Tabuk phano norok ani mungwi mungsa phano san ya kho; san di, man anw, hakhe norok jai kheno tongthokjak anw.”

JAKOB 3:17

Kuchukni phainai elem wng kha jotoni slái swkang kwthar khlainai; aboni ulo abo kwtha rwnai, kwchang kwchang tong rwnai, buini kók nanai; abo maya gwnang, samung kaham báng rwnai; abo jotono baksa khe nuknai, abo phatra kwrwi.