PHRWNGNAINI 2:23 - Kok Borok (Re-edited) Bible (BSI)

²³ Tamni hwn ba sal brúmno bo samungo dukhu tei tekto mano; horobo bini bwkha lenglamung man ya. Omobo mungsa chúk ya.

PHRWNGNAINI 2:23 Iomraidhean Croise

YAPHANG 3:17

Hakhe bo Adamno hai hwnwi sa kha, “Nwng nihikni kók khna kha tei ang nono ‘ta chá di’ hwnmani buphangni bwtháino chá kha, nini bagwi o ha swraimung nang kha; kwthang tong lang sak’-no nwng kolomtwi klaiwi tangwi ma chá sinai;

YAPHANG 47:9

Jakob Pharaono hai hwnwi sa kha, “Ang beraiwi kitingwi tongmani khe tabuk nokha bisi sarathamchi ká kha. A lái thángma bisirok khe báng ya tamo khe tong kesep se báng kugo. Ani tei chuchusongrokni bórokni beraiwi kitingwi thangsungo tong langma swk báng ya.”

ESTER 6:1

A horo habugra muktrwi thángjak li ya, bo bini hani láibuma bijapno tubuna dagi kha tei abono bono poriui khna rwjak kha.

JOBNI BIJAP 14:1

“Thwiblangsa, bwrwini ogo achainai, salrok le báng tha ya se tong kesep se báng kugo,

JOBNI BIJAP 5:7

tamo khe bororok le jwngjalrokno hópreng rwcharsama hai khe birsa rwui tubu-o.

LOBMUNG 127:2

Norok ereng-ereng se ui-ui khe chámung ajina bagwi phung aidrobo bacha lai-o tei hor thugwi thu lai-o; tamo khe bo bini hamjakmano muktrwi rw-o.

LOBMUNG 32:4

Tamoni hwn ba hor-sal nini yak ani saka-o hiligwi tongmani; ani phan sachlang jorani tungphlama bai ransa tẃi khe ransa kha. Sela

LOBMUNG 90:15

Nwng chwngno sátokma sal swkno, chwng hamya sal manjakma swkno, tobo tongthok rw di.

PHRWNGNAINI 1:13

ang o ha saka-o bebak wngmarokno cherwi naitugwi naina hwnwi kha chap kha; Kaitor le bororokno bwkha srang ya samung bai pái lai ya khe tongna bagwi rwui rw kha.

PHRWNGNAINI 1:18

Tamni hwn ba siyan báng khe tektobo bángsa-o, rwngmung man khe bwkha báimabo bángo.

PHRWNGNAINI 2:11

Tamo khe ang aswk samung tangmarokno tei bwswk tamo man kha abono naiwi nai khe nugo bebak se chúk ya máng, nokbarni utung-utung riphrik tẃi se, o ha saka-o mungsa phano se manna kwrwi.

PHRWNGNAINI 5:12

Samung tangnaisa kisa phano chá thung, kwbáng phano chá thung, bo muktrwi kaham manẃi thu-o; tamo khe gwnangsani a rang-rírok bono muktrwi tháng rw ya khlai-o.

PHRWNGNAINI 5:17

Bo bini thangsungo mwnakma-o bwkha báiwi, uanaui, joliui tei sak hamyarok ma manẃi ma tong kha.

PHRWNGNAINI 8:16

Ang siyanno sina bagwi nai khe tei o ha saka-o wngmarokno naiwi nai khe nuk kha, borok khoroksa tumung hor-sal mokol mukum yaui tong phano Kaitor tamo khlaiwi tong kha abono romwi man súk ya,

DANIEL 6:18

Hakhe habugra bini noyungo kiphilwi thángwi hopung chá yaui tei thu-ui man ya wngwi tongwi kha.

SAMUNG 14:22

Bórok poito khlainairokno rak rwui poito kwrak khe tongna bagwi khápang srang rw kha. “Aswk tektoni bising tẃi chwng Kaitorni ha-o ma habwinai,” hwnwi bórok sa kha.