PHRWNGNAINI 2:21 - Kok Borok (Re-edited) Bible (BSI)

²¹ tamni hwn ba khoroksa borok sakni simung-rwngmung tei phan bai tangmani abono khoroksa aboni bagwi tangma kwrwi tei khoroksa borokno chána bagwi yakarwi ma klango. Omobo chúkya’-no tei belai khe habo hamya.

PHRWNGNAINI 2:21 Iomraidhean Croise

2 BOSONG 34:2

Bo Subraiyungni mokolo chajakmani haino samung khlai kha tei bini búchu Daud himmani lama-o him kha, bo aboni yagra eba yaksi wng li ya.

2 BOSONG 35:18

Diyari Samuelni molni simi abo hai khe yókma ter panda khlaijak ya kho. Habugra Josia yókma ter panda khlaimani hai khe bini slái swkang tong langnai habugrarok abo hai khe khlai ya kho, ochairok, Lebirok, bebak Judia tei Israilni bororok tei Jerusalemo tongnairok aro manjak bai kha.

LOBMUNG 39:7

“Subraiyung, tabuk ang tamono naisingwi tongnai? Nwng’-no ani khatungma.

LOBMUNG 49:10

Chwng elem gwnangrokno nuk kha, bórokbo thwi bai kha; butuarok tei ailangrok uáisa bai komorwi thángo tei bórok buini bagwi rangchak-ríchakrok khibiui ma klango.

LOBMUNG 49:11

Bórokni mungwi bórokni harokni mung rw phano, tei bórokni bosong thwgwi kusung kusung abo bórokni tongthai hwnwi tong phano, mangkhor se bórokni mol brúmni tongthai wngnai.

PHRWNGNAINI 2:20

Aboni bagwi ang o ha saka-o aswk samung tangmarokno kháchiching wng kha,

PHRWNGNAINI 4:4

Ang nuk kha, bororokni rwngmung tei samung kolomtwi khiklaiwi samung tangma le nok arini bororokno músúmani aroni se phai-o. Omobo chúk ya nokbarno riphrikma hai se.

PHRWNGNAINI 4:8

Khoroksaswk katswi saichung-susuk, bwsabo kwrwi takhukbo kwrwi hai phano se bo panjalwi samung bo pái phlai ya tei bini rang-puisarokno bwkha kochomjak ya. Bo sak hai hwnwi sẃngo, “Ang saboni bagwi samung tang? Tamni ang tongthok cháthok bai sakno hakchal rwui tong?” Omobo chúk ya tei dukhu rwnai.

PHRWNGNAINI 9:18

Simung khe chobani da-sengrokni slái kaham, tamo khe borok hamya kwbángma kahamno dera rw-o.

JIRIMIA 22:15

Kwbángma sidar buphang tongma bai nwng habugra wng kha hwnwi da uansuk? Nwpha khe tamo chábo chá lang li ya nubo nung lang ya diba, sói tei kubui samungrok khlai lang ya diba? Aboni bagwi bini jora belai kaham kheno lái kha.

JIRIMIA 22:17

Tamo khe nini mokol bai bwkha khe sakni bagwi cha ya lama tẃi mannani, borok kosongrokno thẃi khiklaiwi, kusubwi tei uálaiwi buinino manna simi se.”